Bebil er a Rolel a Domuchel a Cheldechedechad

Chisel a Renged No. 38

“Ak teloi er tia el ureor er a beluulechad el rokir el merous er tia el klou a ultutelel el klumech. Tiakid a babilengem.”

Uleklatk: Bo el kedeb a cheldechedecham me bo el sebeched el rokir a basio el doldingel er ngii. Engdi a lebebil er a taem, e a chad er a blai a kmal semeriar e soal el mengedecheduch. A leuaisei, e ngsebechem el oker er a uldesuel el kirel sel ker el ngar er a medal tia el babier, e menguiu a nger er a Biblia el mo er ngii, e mesaod a bebil el tekoi el ngar tia el babier, a lengar er ngii a taem. A uchei er a omorael, e mochotii sel “Tekoi el Sebechem el Melatk” el ngar er a ikrel tia el babier e mketmeklii a taem el sebechiu el lmuut el mo mesaod er ngii.

A Ongkerongel October 1

“Aki di oldingel el melisiich er a omengiuel a Biblia. Aki medengei el kmo a rebebil er a rechad a semeriar er a Biblia, e a rebebil a diak el semeriar. Ngera uldesuem? [Mongiil er a nger er ngii.] A Biblia a melekoi er tiakid el tekoi. [Monguiu er a 1 Thesalonika 2:​13.] Ak medengei el kmo a lsekum e ke kongei el kmo a Biblia a mla er a Dios el mei, e ngkmal kired el menguiu er ngii. Tia el magazine a mesaod el kirel a Biblia me a uchul e ngkired el mo semeriar er ngii.”