Rolel a Dongetmokl a Ungil el Uchelel a Cheldechedechad

1. Ngua ngera klungel a ultutelel a ungil el uchelel a cheldechedechad?

¹ A ungil el uchelel a cheldechedechad a mo uchul a ungil el omesodel a bades sel debo er a blai. Aikang a dirrek el kakerous a klemengetel me a tekoi el ngar er a chelsel, e kired el di uchei e kede melatk er ngii e kutmeklid el kirel. (Osi. 15:28) Kede mekerang e rullii a uchelel a cheldechedechad el mo ungil?

2. Kede mekerang e kutmeklii a uchelel a cheldechedechad el omeksemeriar er a rechad?

² Molilt a Tekoi el Lesemeriar er Ngii a Rechad: A uchelel a cheldechedechad a kirel el omeksemeriar er a rechad el ngar er a blai, e le lak e ngmo diak el sorir el mengedecheduch er kid. Me sel dongetmokl er kid, e ngkired el melatk aike el lesemeriar er ngii a rechad er a beluu. A rechad ngsorir el mesaod el kirel a ungil kabelment, deurreng er a klengar er a telungalek, me a lechub a terebengel a mekemad? A rechad a blechoel el sorir el mesaod a uldesuir, me ngungil a deketmeklii a ker el uchul e te mo oltobed a uldesuir. Kau ngsebechem el ousbech er a ta er a rolel a domuchel a cheldecheduch el ngar er a Omesiunged el kirel a Renged e mngedechii el mo oltirakl er a basio el moldingel er ngii? Kau ngdirrek el sebechem el ousbech er a temel a Omengull el Telungalek er kau el mo melasem a bebil el uchelel a cheldecheduch?

3. Kede mekerang e ngodechii a uchelel a cheldechedechad el mo oltirakl er a siukang me a blekerdelel a klengar er a rechad el ngar er a basio el doldingel er ngii?

³ Molatk a Siukang me a Blekerdelel a Klengar er a Rechad: Ngar er a bebil el basio, e a rechad a sorir a di demereched el ouchais er tir er a uchul e kede mlo oldingel er tir. E a kuk bebil el basio, e ngdiak el ungil a debo er a blai e lak dekot el oker el kmo te ua ngera rechad er a blai e dosaod a kuk bebil er a tekoi el kired. Ngdirrek el ngar er a bebil er a beluu, e ngbeot er kid a mengedecheduch el mesaod er a Biblia e le rechad er ngii a kmal chad er a klechelid. (Rel. 2:​14-​17) Me nguaisei, engdi a lsekum e kede ngar er a basio el rechad er ngii a diak el Kristiano me a lechub e ngdiak a klechelid er tir, e ngungil a lak dosaod er a Biblia sel dekot el mengedecheduch er tir, e ngbai sel deluut el mo oldingel er tir.​—⁠Rel. 17:22-31.

4. Ngkirel el mo ua ngera osenged el kirel a uchelel a cheldechedechad?

⁴ A Uchelel a Tekinged: Bo mkerekikl el mengetmokl er kau el kirel a uchelel a cheldechedecham. Ngblechoel el ungil a lsekum e ngdi kedeb. Ngdirrek el klou a ultutelel a rolel a omolekoi er ngii, me ngkirem el semeriar er a tekoi el mosaod er ngii. Ngkirel el ungil a klikm er kau, me lochotii el mo er a chad er a blai el kmo ke semeriar er ngii. A doltirakl aika el tekoi e ngmo ngosukid el kutmokl a ungil el uchelel a cheldechedechad el mo omeksemeriar er a rechad el doldingel er tir me ngmo sorir el melai a klemedengei er tir er a “tebelel a Rubak.”​—⁠1 Ko. 10:⁠21.