Bebil er a Rolel a Domuchel a Cheldechedechad

Kede Mo er Ker e Metik a Nger er a Meklou a Ultutelel el Ker el Kirel a Klengar?

Mnguu a tract el msang a chad er a blai me lesang a dai er ngii e mdu el kmo: “Alii. Aki teloi er tia el lureor er a beluulechad el rokir el merous er tia el klou a ultutelel el klumech. Me tiang a babilengem.”

A lsekum e ko mechei er a tract er a blai el diak a rechad er ngii, e mnguu el mecherei er a basio el beot el sebechir el mesang, e dirrek el diak mongimetemet er ngii.

A chad er a blai a lsekum e ngsemeriar me a lechub e ngsoal el mengedecheduch, e ngbai ungil a omoker er a uldesuel el kirel a ker el ngar er a medal a tract. Bisii a tract e mochotii er ngii el kmo, ngera ngmelekoi a Psalm 119:​144, 160. Mouchais er ngii el kmo, a chelsel a tract a ngar er ngii a tekoi el mesaod el kirel a Web site er kid el sebechel el ngosuir el metik a nger er a chelsel a Biblia. Nglocha sebechem el ochotii sel video el kmo, Ngera Me Ngkirem el Mesuub er a Biblia? A uchei er a omorael e mocholt aike el kldei el ker el ngar er a ikrel a tract e moker el kmo, ngera er ngii a kora kmal ngar er a uldesuel el lolatk er ngii. Moterekeklii a taem el mluut el mong me bo lsebechem el ngosuir el mo sikii a nger er tia el ker er a Biblia el ousbech er a jw.org. E sel omluut el mong e mosaod er a nger el obo mosiik er ngii er a cheungel a BABIER > BOOK ME A BROCHURE.

A lsekum ke dirrek el merous a invitation el mo er a ileakl el ongdibel e dirrek el bsang a tract er a osisiu el taem el mo er a chad er a blai e mdu el kmo, “Aki dirrek el mengemedaol er kau el mei er a diak locheraol el ongdibel.”

A Ongkerongel August 1

Sel le Sebadong me a Sandei, e a lsebechel e sel morous a Ongkerongel e mdu el kmo, “Ngdirrek el somam el meskau tia el beches el magazine, e tia el Ongkerongel a mo onger er a ker el kmo, A Dios ngsemeriar er kau?”