Bebil er a Rolel a Domuchel a Cheldechedechad

Omuchel a Omesubel a Biblia er Sel Kot el Sebadong er a October

“Aki kora di mle oldingel er a retonari er kemam el mo mesaod el kirel a ungil el kabelment. Omomdasu e ngar er ngii a klisichel a ngii di el kabelment el mo choroid a meringel el mondai, el ua kdekudel el blekeradel me a chelebirukel?” Mongiil er a nger er ngii. Momeklatk er a chad er a blai el kmo ngar sel Nglunguchel a Rubak, e a Jesus a ullisechakl er a rulebengkel el mo meluluuch el kirel a chouaisei el kabelment, el Rengedel a Dios lemei. Mochotii a ikrel sel October 1 el Ongkerongel, e mdak el mesaod er a suobel me a lekesengil e ngta er aike el bades el ngar cheungel sel kot el ker. Bsang a babier, e mketmeklii a taem el mluut el mong el mo mesaod er a ongingil el ker.

A Ongkerongel October 1

“Aki di mengedecheduch er a retonari er kemam el kirel a bebil el tekoi er sel merael a chisel el nglunguuch el Jesus a ullisechakl er a rulebengkel. [Monguiu er a Mateus 6:9, 10.] Ngmla ta el mrengesii a kmal ungil el omesodel a kmo ngerang a Rengedel a Dios me a uchul me a Jesus a kmal millisiich er ngii el ngar er a osisecheklel? [Mongiil er a nger er ngii.] Tia el babier a ochotii el kmo ngerang melekoi a Biblia el kirel a Rengedel a Dios me a bebil er a mengasireng el klengeltengat el bo longetmokl er ngii er tia el chutem.”