Rolel a Domekeroul er a Uldasu el Kmo Ngorechudel a Ureor er a Berkel a Klumech

Ngkired el omekeroul er a uldasu el kmo ngorechudel tia el ureor, e tiang a usbechall me bo el sebeched el mo suobel er a ulebengelel tia el mekngit el beluulechad. Sel doltirakl aika el uleklatk el llechukl er iou, e ngsebeched el smisichii a uldesued el kmo ngorechudel tia el ureor.

• Bo blechoel el meluluuch el kirel a Renged.​—Mt. 6:10.

• Momekerreu er a rengum el oeak a omonguiu er a Biblia er a bek el sils.​—Heb. 3:12.

• Bo mungil el ousbech a temem el ngar er a mellomes el rolel.​—Efe. 5:15, 16; Fil. 1:10.

• Molemolem el “ungil osengem.” Lak bo mechesang er a ngibes er tia el beluulechad.​—Mt. 6:22, 25; 2 Ti. 4:10.

• Bo mklekar el oeak sel bo mkerekikl el omtab a otutel a ulaoch er a Biblia.​—Mk. 13:35-37.

A bo doba uldasu el kmo ngorechudel, e ngmo smisichid el mo mui el teloi er tia el ureor er chelecha el dirkak bo el merek!​—Jn. 4:34, 35.