Morous a “Ungil Tekoi” el Oeak Sel Mometechakl er a Remerael (Mt. 12:35a)

Kid el rokui a ulterekokl el soad el merous a “ungil tekoi” el mo er a rebebil el oeak sel ‘domtechakl er a re merael el chad.’ (Rom 12:13) A remechuodel a mla muchelechel el meskid a ungil el kerebai el harau a bebil er a tekoi el kirel a omerollir tirka el oldingel el odam e dirrek el omechar a kelir. Me nguaisei, engdi lebebil er a taem e kede locha mo omai er a rengud el olecholt a ungil el omeruul me a blekururau el reng e le nglocha mo ngar er ngii a dengesonges er ngii er a delengchekled me a lechub e ngkora suebek a rengud er a rebebil er a rechad a lemei er a blid. A desichedekl er a rengud a omellach er a Jesus el mo er a Martha a sebechel el ngosukid el mo mesisiich er a chouaika el uldasu. (Lk. 10:39-42) Ngmillisiich er a tekingel er a ledu el kmo, “ngiil tekoi,” el milsaod er a ungil el omeruul me a blekururau el reng, e tiang a sel dedak kid me a rudam er kid e dekasisiich er a delongeled, ngdiak losaod er a kmal klou el blengur me a lechub e ngkmal klebokel el blai. Me sel doltirakl er tia el omellach, e ngsebeched el rokui el merous a “ungil tekoi” el mo er a rudam er kid el oltirakl er a Tekingel a Dios.​—3 Jn. 5-8.