A Rolel a Domuchel a Cheldechedechad

A Ongkerongel May 1

“Oleko ngsebechem el mesmechokl a mondai er tia el beluulechad, e ngera el mondai a soam el sumecheklii? [Mongiil er a nger er ngii.] A doltirakl er a Biblia, e ngdi kmedung e a Dios a mo sumecheklii tia el mondai me a lmuut el betok. [Monguiu er a bades el mesaod er a semecheklel tia el mondai, el ua Daniel 2:44; Osisechakl 2:21, 22; Mateus 7:21-23; me a lechub e ng 2 Petrus 3:7.] Tia el babier a mesaod el kmo ngoingerang e mekerang a Dios a bo loruul aika el omelodech er tia el chutem.”

Ungil Chais el Mla er a Dios!

“Aki oldingel er a bek el telungalek el ngar tia el hang er kemiu el ouchais el kirel a kmal ungil el uldasu el ngar er a Biblia. A rebetok el chad el ki bla mongedecheduch er tir a oker el kmo ngera uchul me a betik a rengul el Dios a kongei me ngmelemolem a ringel er tia el beluulechad. A omomdasu e a ringel ngmle uldimukl er a telbilel a Dios el kirel a beluulechad er a kot el uchul?” Mongiil er a nger er ngii. Bisii a brochure el mo er a 5 el suobel, e monguiu e mosaod aike el eru el parakurab me aike bades el ngar er ngii. Bsang a brochure, e mketmeklii a taem el mluut el mong e mosaod er sel ongingil el ker.