Lmuut el Mo Ungil a Duch er Kid el Ngar er a Omesiunged​—Ousioning el Mo er a Chad el Melekoi a Ngodech el Omelekoi

A Uchul Me Ngklou a Ultutelel: A Jehovah a semeriar er a rechad er a “ngii di le beluu.” (Rel. 10:34, 35) Sei a uchul me a Jesus a dilu el kmo a ungil chais a mo mosisechakl er a “beluulechad el rokir” el mo ocholt el “mor a rokui el chad.” (Mt. 24:14) A Sekaria a ulemlaoch el kmo a rechad “er a ngodech el beluu” a mo orrenges. (Sek. 8:23) A doltirakl er a ues el lilsang a apostol el Johanes, e tirke el mo suobel er a kloul ringel a mo uldimukl er a rechad “er a bek el beluu, ma kebliil, ma bek el bedengir a rechad ma omelekoi.” (Och. 7:9, 13, 14) Me ngdi ua ika el dulsaod, sel debetik er a chad el ngar er a basio el domerk a klumech er ngii el melekoi a ngodech el omelekoi, e ngkired el melasem el ousioning el mo er ngii.