A Blil a Dongu er Kid
1. Te mekerang a Rekristiano el omerk er a klumech e uai a redachelbai el chad?
1 A redachelbai el chad a ousbech a kakerous el bedengel a dongu. Me alta bebil er aika el dongu a lousbech el kirel a ileakl el ureor, engdi a kuk bebil er ngii a leblechoel el ousbech. Me a redachelbai el chad a blechoel el olab a chouaika el dongu el ngar er a blil a dongu er tir, e aikang aike el kmal lemeduch el ousbech. A Biblia a melisiich er a derta el Kristiano el mo ousbech a dongu el kirel a osisechakl e mo ua “chad er a ureor el diak a ngeral omekrur er ngii er a urerel.” (2 Ti. 2:15) Ngera sel kot el klou a ultutelel el dongu el dobang er a blil a dongu er kid? Ng Tekingel a Dios, el ngii a dousbech er ngii el meruul er a redisaiplo. (Mt. 28:19, 20) Misei, e ngkired el melasem el mo ‘melemalt a dosaod a klemerang el dolisechakl.’ Nguaisei, engdi ngdirrek el ngar er ngii a kuk bebil er a dongu el deblechoel el ousbech el ngar er a blil a dongu er kid el kirir a rokui el Kristiano el mo meduch el ousbech el olisechakl er a rechad er a klemerang.—Osi. 22:29.
2. Ngera bebil er a dongu er kid el deblechoel el ousbech?
2 Aike el Dongu el Deblechoel el Ousbech el Olisechakl: Ngera kuk bebil er a dongu el sebeched el ousbech el ileakl er a Biblia? Sel kot el klou a ultutelel el dongu el dousbech er ngii el olisechakl a klemerang er a Biblia a Ngerang Mera el Lolisechakl a Biblia? el babier. Sel bo demerek el mesuub er tia el babier el obengkel a chad, e kede ousbech er a “Keep Yourselves in God’s Love” el osisecheklii el mo meduch el oltaut a omellach er a Biblia er a klengar er ngii. Sei a uchul me ngkired el mo meduch el ousbech aika el babier. Ngdirrek el ngar er ngii a kuk bebil er a brochure el kired el mesuk er a chelsel a blil a dongu er kid. A Ungil Chais el Mla er a Dios! a kuk ta er a dongu el dousbech er ngii el omuchel a omesubel a Biblia. A lsekum a rechad er a basio el domerk a klumech er ngii a diak el sal meduch el menguiu me a lechub e te melekoi a ngodech el omelekoi el diak a kmal babilenged er ngii, e ngsebeched el ousbech er a Listen to God me a lechub e ng Molengesenges er a Dios Me Bo Mkiei el Mo Cherechar. E sel babier el dousbech er ngii el omekrael er a rechad el me er a cheldebecheled a Te Rua Techang a Meruul a Soal a Jehovah er Chelechang? Ngdirrek el kired el mo meduch el ousbech a video el sebechel ngosukid el mo meruul er a redisaiplo el uai a Ngera Me Ngkirem el Mesuub er a Biblia?, Ngera Duubech er a Blil a Ongdibel?, me a Does God Have a Name?
3. Ngerang mo ngosukid er ngii aike el dirk merael mei el Omesiunged el Kirel a Renged?
3 Aike el dirk merael mei el Omesiunged el Kirel a Renged a mo ngosukid el mo meduch el ousbech aika el babier el ngar er a blil a dongu er kid. Me sel dolasem el mo meduch el ousbech aika el dongu, e kede mo olengesenges er a mlukrael el uleklatk el kmo: “Bo mkerekikl er kau, ma tekoi el molisechakl. Ele cho bo mua isei, e kosebelau kau me tirkel orrenges er kau.”—1 Ti. 4:16.