Kerrir A Rechad

◼ Ngoingerang a ungil taem el mo diak dosuub a Biblia el obengkel a chad?

A lsekum a chad el mosuub a Biblia el obengkel a diak lolengeriakl er a omesubel, e nglocha kirem el mo mengedecheduch er ngii el ngar er a ungil el rolel el ouchais er ngii el kmo ngmo diak mosuub a Biblia el obengkel. (Mt. 10:11) Molatk aika el tekoi el kmo: Ngblechoel el mesuub er sel temel omesubiu? Ngblechoel el kltmokl er a uchei er a temel a omesubiu? Ngmla ta el lemei er aike el miting er a ongdibel? Ngouchais el mo er a rebebil aike el tekoi el losuub? Ngmelodech a tekoi er a chelsel a klengar er ngii el mo oltirakl a omellach er a Biblia? Nguaisei, ngdirrek el kired el melatk er a rekil me a dechal a chad, e le derta el chad a olengeriakl el ngar er a kakerous el rolel. Ngdirrek, a lsekum e ngmo diak mosuub a Biblia el obengkel, e mouchais er ngii el kmo ngsebechem el lmuut el mo mesuub a Biblia el obengkel a lsekum e ngmo soal.​—1 Ti. 2:4