Watchtower ONLINE LIBRARY

mwb16 April 3 el llel
Mongelaod e Molisiich er a Rebebil el Lokiu a Ungil Omelekoi

A Klengar er Kid a Rekristiano me a Omesiunged—Subeled er a Miting (2016)

mwb16 April 3 el llel

MEKREOS EL TEKOI EL NGAR ER A BIBLIA | JOB 16-20

Mongelaod e Molisiich er a Rebebil el Lokiu a Ungil Omelekoi

Ngike el chad el olengeseu a kirel el ousbech a ungil el tekoi el melisiich er a rebebil

16:4, 5

A Job a mlo chuarm e mekngit a rengul, a uchul me nguluusbech a ngeso me a omelisiich er a rebebil
Tirke el tedei el sechelil a Job a dimlak a ngii di el ngerang el lolekoi el mo melisiich er ngii. E te bai di uleltelechakl er ngii e melechel a mondai er ngii

Mekngit el tekingel a Bildad a uchul me a Job a kmal mlo chuarm

19:2, 25

A Job a lilangel el mo er a Dios el kirel a ngeso e dirrek el ulengit me lemad
A Job a ulturk a osengel el kirel a omeltkel er a okiis er a ngar medal el klebesei e millemolem el blak a rengul

TIRKE EL ULTELECHAKL ER A JOB

Elifas:

Nglocha mle chad er a Teman el ngar er a beluu er a Edom. A Edom a a mle belurir a remellomes a rengrir el chad el uai a losaod er ngii a Jeremia 49:7
Nglocha mle kot el klou er tir e merael a chisel el chad e dirrek el mle chad er a ongelaod, a uchul me ngmle kot el mo mengedecheduch. Nguleltobed a kldei el cheldecheduch e mle mekemanget a cheldechedechal er tirke el teru el milengedecheduch

Cheleblad el ultelechakl:

Ngmillekoi a mekngit el mo er a Job e le ngblakerreng er ngii a uchul e dirrek el ultelechakl el kmo a Dios a diak el loumerang er a rechedal (Job 4, 5)
Ngultelechakl er a Job el kmo ngmle mekngit a blekerdelel e kedidai a rengul el chad e dirrek el diak el medakt er a Dios (Job 15)
Ngultelechakl er a Job el kmo ngmerechorech a rengul el chad e diak el melemalt e dirrek el dilu el kmo a rechad a diak a ultutelir er a Dios (Job 22)

Bildad:

A ngelekel a Sua. Nglocha kiliei er a Omoachel er a Eufrates
Ngmle ongeru el chad el mo mengedecheduch. Aike el edei el cheldechedechal a mle mekedeb e meringel er aike el mle tekingel a Elifas

Cheleblad el ultelechakl:

Ngultelechakl el kmo a rengelekel a Job el sechal el mlo er a klengit a uchul me ngkirir el mad e dirrek el dilu el kmo a Job a dimlak loumerang er a Dios (Job 8)
Ngultelechakl el kmo a Job a mirruul a klengit (Job 18)
Ngultelechakl el kmo a blakerreng er a chad a diak a ultutelel (Job 25)

Sofar:

Chad er a Naama, el locha ngar er a diluchesngebard er a Arabia
Ngmle ongedei el chad el mo mengedecheduch e kot el mle mekngit a ultelecheklel. Ngdi uleltobed a eru el cheldecheduch

Cheleblad el ultelechakl:

Ngultelechakl er a Job el kmo ngdiak a tekingel e dirrek el dilu er ngii el mo chemoit a mekngit el omerellel (Job 11)
Ngultelechakl el kmo a Job a mle mekngit el chad e mle soal el ngar er a klengit (Job 20)