Kau Ke Ousbech er a JW Library?

A JW Library app (software application) a diak el ocheraol el sebechem el ousbech er ngii el download a Biblia me a lmuut el bebil er a babier me a video me a audio prokuram el mo er a dengua me a tablet me a lechub e ng computer er kau.

NGMEKERANG A OMOLAI ER TIA EL APP: A kot, e ke mo online, e mo er a app store e nguu a JW Library app er kau. Ngbetok el klekedall a sebechel el ousbech er tia el app. Me sel bom online, e ngsebechem el ngmilt aike el soam el download el ngar er tia el app. A lsekum e ngdiak a internet er a blim, e ngsebechem el ousbech a internet er a Blil a Ongdibel, me a library er a buai, me a lechub e ngkuk bebil er a basio. Me sel lesiseb aika el babier me a video er a dengua me a lechub e ng tablet er kau, e ngmla mo sebechem el ousbech. Ngii el blechoel el ngar er ngii a beches el tekoi el tuobed el kirel tia el JW Library app a uchul me ngkirem el mo er a internet me bo el sebechem el update er ngii.

NGERA ME NGKIREM EL MELAI ER NGII? A JW Library app a rullii a omesubem el di kau el tang el mo beot e dirrek el mo sebechem el oltirakl a suobel sel omngar er a miting er a ongdibel. Ngdirrek el sebeched el ousbech er ngii sel doldingel a obliil, el ileakl sel dongedecheduch er a rechad er a bek el techall.