A Jehovah a Diak el Loltngakl er a Chelam a Rengul

A David a milluches er a babier er a Psalm 51 er a uriul er a profet Nathan er a losaod er ngii el mlo er a klengit el lobengkel a Bathseba. A ukltkel a milengesang er ngii a uchul me ngmlo ngariou a rengul e olengit a klausubes.​—2Sa 12:1-14.

Alta David a mla mo er a klengit engdi ngmle sebechel el mo ungil a delongelel ngii me a Jehovah

51:3, 4, 8-12, 17

• A uchei er a lobult e lolengit a klausubes, e a ukltkel a ulemekcharm er ngii

• Ngkmal mlo chuarm er a lolatk el kmo ngdimlak loba kengei er a Dios me ngmle ua chad el chelam a chiuesel

• Ngkmal mle soal a lemusubes a kngtil, e lluut el mo ungil a deleuill er ngii me a Jehovah, e dirrek el mo melechesuar er sel deurreng el lulebang er a uchei

• Ngkmal uleba ngariourreng e ulengit er a Jehovah el mo ngosuir me bo el soal el olengesenges

• Ngkmal mle ulterekokl a rengul el kmo a Jehovah a mo ousubes er ngii