A Domekbeot er a Klengar er Kid a Ngosukid el Oldanges er a Dios

Chelecha el sils, e ngkmal beot er kid a mengesang er a klengar er kid er a betok el tekoi. Kede mengoit er a klou el taem el mo osiik, e omechar, e ousbech, e mengetmokl a klokled. A Jesus a ulemekbeot er a klengar er ngii, me a tekoi er a kerruul lak bo longesang er a omesiungel.​—Mt 8:20.

Ngmekerang a omomekbeot er a klengar er kau me bo el sebechem el kilungii a omesiungem? Ngoeak a bebil er a omelodech er a chelsel a telungalek, e ngsebechel a ta er a chad el mo pioneer? Me chelecha el mngar er a mui el taem el omesiou, e ke mla mechei a tekoi er a kerruul me ngchosengkau? Sel domekbeot er a klengar er kid me bo el sebeched el mesiou er a Jehovah e ngmo dmeu a rengud er aike el ngar er ngii er kid.​—1Ti 6:7-9.

Mluches a bebil er a rolel e ngsebechem el omekbeot er a klengar er kau.