Lmuut el Mo Ungil a Duch er Kid el Ngar er a Omesiunged​—Molisiich er Tirke el Semeriar el Mei er a Miting

A UCHUL ME NGKLOU A ULTUTELEL: A miting a meskid a techelled el mo mengitakl el mo er a Jehovah e dirrek el “moldanges er Ngii.” (Psa 149:1) Kede dirrek el mosisechakl el mo meruul a soal a Dios. (Psa 143:10) Tirke el semeriar me a remesuub er a Biblia a blechoel el olengeriakl er a omesubir sel lomuchel el mei er a miting.

ROLEL A MORUUL ER NGII:

• Mongemedaol er a chad el mei er a miting er a di mereched el taem. Lak mongiil el mo er sel taem el bla moterekeklii el kmo ngta er a mesuub er a Biblia.​—Och 22:17

• Mouchais er ngii aike el mo meketmokl me aike el mo soadel er a ongingil el miting. Aikaikid el tekoi a sebechel el ngosukau: sel invitation er a miting er a ongdibel, me a sel video el Ngera Meketmokl er a Blil a Ongdibel?, me a suobel 5 me a 7 er sel Soal a Jehovah el babier

• Mouchais er ngii el kmo ngsebechem el ngosuir. Ngousbech er a chad el mo oltak er ngii me a lechub e ngdiak lodengei el kmo ngera sebechel el oubail? Mdengchokl er bita er ngii er a miting, e mdak el omes er a babilengem. E mngesuir el mo medengelterir a rebebil el ngar er a ongdibel