“Ng Ngak a Mong! Moderchak!”

Ngsoad el mo oukerebai er a blekerdelel a Isaia. Ngulechotii a klaumerang er ngii me ngdi mle mereched el mo olengeseu, alta ngdimlak lodengei a rokui el omesodel a tekoi. (Isa 6:8) Ngsebechem el melodech a bebil er a tekoi er a klengar er kau me bo el sebechem el mesiou er a basio el ousbech a ngeso? (Psa 110:3) Nguaisei, ngsoad el “mesal kmo ng ngar ngii a udoud” el sebechel kutmeklii tia el tekoi. (Lk 14:27, 28) Engdi lak, e ngsebeched el melenget a bebil er a tekoi el kirel a ureor er a berkel a klumech. (Mt 8:20; Mk 10:28-30) Ngdi ua losaod er ngii a video el Moving to Serve Where the Need Is Greater, a klengeltengat el bo dengai a lmuut el mo klou er aike el dolenget.

URIUL ER A OMOMES ER A VIDEO, E MONGER AIKA EL KER:

• Ngera el tekoi a mle kirir a telungalek er a Williams el melenget me bo el sebechir el mo mesiou er a beluu er a Ecuador?

• Ngera el tekoi a mle kirir el melatk er a uchei er a bo lolilt er a basio el bo losiou er ngii?

• Ngera el klengeltengat a lengilai?

• Ngsebeched el metik a lmuut el omesodel a omesiou el ngar er aike el basio el ousbech a ngeso er ker?

NGAR ER A ONGINGIL EL TEMEL A OMENGULL EL TELUNGALEK ER KEMIU, E MOSAOD AIKA EL KER:

• Ngmekerang a donglou er a omesiunged el telungalek? (km-E 8/11 4-6)

• Ngera bebil er a tekoi el sebeched el remuul el olengeseu er a ongdibel er kid, a lsekum e ngkuk diak el sebeched el mesiou el ngar er aike el basio el ousbech a ngeso? (w16.03-E 23-25)