Mkiei el Mengebkall er a Jehovah!

A klengar a kmal mekreos el sengk. Me a rolel a dousbech er a klengar er kid er a bek el sils a ochotii a klungel a omereng el saul el dobang el kirel. Kid el Sioning er a Jehovah a melasem er a tkurrebab el sebeched el ousbech a duch er kid el mengebkall er a Jehovah, el Ngike el Uchul a Klengar. (Psa 36:9; Och 4:11) Nguaisei, engdi a sebekreng er a klengar a sebechel rullid el mo diak dolatk er a omesiunged el mo er a Dios. (Mk 4:18, 19) Me ngungil a di lekid el oker el kmo: ‘Ngak ak mera el omsa Jehovah sel kot el ungil er ngak? (Hos 14:2) A urerek, ngera ngrullii er a omesiungek el mo er a Dios? Ngera turrekong er ngak el kirel a omesiungek? Ngmekera kluut el menglou er a omesiungek?’ A lsekum e ke mtebengii el kmo ngngar er ngii a kirem el oureor el kirel, e moluluuch el mo er a Jehovah el mo olengeseu er kau e moureor el oltirakl a nglunguchem. Ochoi, a omkiei el mengebkall er a Jehovah er a klengar er kau er a bek el sils a mo uchul a deurreng!​—Psa 61:8.

MOMES ER A VIDEO EL USE YOUR TALENT FOR JEHOVAH, E MONGER AIKA EL KER:

• Ngera me ngdiak lolechotel a llomeserreng a omousbech a duch er kau el kirel a beluulechad er a Satan? (1Jn 2:17)

• Ngera el klengeltengat a mo er tirke el msa Jehovah a kot el ungil er tir?

• Ngsebechem el ousbech a duch er kau el kirel a ngera el rolel a omesiou el mo er a Dios?