Omekang er a Rebetok el Okiu a Chimorir a Remekesai

Telkib el taem er a uchei er a Baskua er a rak er a 32 C.E., e a Jesus a kiltmeklii a mengasireng el tekoi, el di chimo el ongasireng el losaod er ngii tirke el teua el milluches a Ebangkelio.

Ngokiu tia el mengasireng el tekoi, e a Jesus a kiltmeklii a rolel e ngmelemolem el meruul er ngii el me lmuut er chelecha el sils.

14:16-21

• A Jesus a dilu er a redisaiplo er ngii el mo omeka er a seked, alta te di ulab a kleim el blauang me a teblo el ngikel

• A Jesus a ngilai aika el blauang me a ngikel, e a uriul er a loluluuch, e ngmilsterir a redisaiplo er ngii me te mirrous el mo er a rechad

• Ngmengasireng el tekoi, e le ngmlo er ngii a derengel aika el kall. Me a Jesus a ulemeka er a rebetok el telael el okiu a chimorir a redi kesai el disaiplo er ngii

• A Jesus a ulemlaoch el kmo, ngar er a taem er a uriul sils, e ngmo kutmeklii a rolel e a rechedal a ngmai a “kelir er sel belsechel.”​—Mt 24:45

• Sera 1919, e a Jesus a tiltkii a “blak a rengul e mellomes a rengul el mesiou,” el ngii a kekerei el cheldellir a rengellitel el odam, el mo oungerachel er “tirkel bebil er a re mesiou,” el tir a melai a tekingel a Dios

• Ngokiu tia el kekerei el cheldellir a rengellitel el odam, e a Jesus a meruul a tekoi el oltirakl er a rolel el lurruul er ngii er a irechar

Ngmekera kuchotii el kmo ak medengelii ngike el mesiou el lousbech er ngii a Jesus el omeka er a rechad er a tekingel a Dios e oba omengull el kirel?