“Mongull er a Demam ma Delam”

A Jesus er a lengar tia el chutem, e ngmillisiich er sel omellach el kmo: “Mongull er a demam ma delam.” (Exo 20:12; Mt 15:4) Ngmle sebechel el melekoi el uaisei e le ng “ulerrenges a tekingir” a rechad er a blil er a lengeasek. (Lk 2:51) Me sera bo leklou el chad, e ngkiltmokl a tekoi me bo el sebechel a delal el mukerreu er a uriul er a kodellel.​—Jn 19:26, 27.

Chelecha el taem, e a rengeasek el Kristiano el olengesenges e mengedecheduch er a redemerir me a rederrir a olecholt a omengull el mo er tir. Ngmera el tekoi, a omellach el kmo ngkired el mengull er a demad me a delad a diak a telkelel. Ngmo lmuut er a taem el lemechudelang a rechad er a blid, me kid a di kired el mo melemolem el olecholt a omengull er kid el mo er tir e melai a klungioled er a llomeserreng er tir. (Osi 23:22) Kede dirrek el olecholt a omengull er kid el mo er tir lokiu sel domekerreu er tir er aike el rokui el ousbech er a klengar er tir. (1Ti 5:8) Me alta kede mekekerei me a lechub e kede meklunga el chad, engdi a ungil rolel a cheldecheduch er a delongeled kid me a rechad er a blid a olechotel a kmo kede mengull er tir.

MOMES ER A WHITEBOARD ANIMATION EL DAI ER NGII A KMO HOW CAN I TALK TO MY PARENTS? E MONGER AIKA EL KER:

• Ngera me ngsebechel el mo meringel er kid el mengedecheduch er a demad me a delad?

• Ngmekerang a omolecholt a omengull el mo er a demam me a delam sel mongedecheduch er tir?

• Ngera me ngmo uchul a klungiolem a omongedecheduch er a demam me a delam? (Osi 15:22)