Lmuut el Mo Ungil a Duch er Kid el Ngar er a Omesiunged​—Momuchel a Cheldecheduch el Sebechel el Mo Uchul a Ungil el Sioning

A Jesus a mle sebechel el ousioning el mo er ngike el redil er a Samaria e le ngulemuchel el mengedecheduch er ngii. Kede mekera lmuut el mo ungil a duch er kid sel domuchel a cheldechedechad el obengterir a rechad el diak dodengelterir?

• Bo lungil a blekerdelem e mongedecheduch er a rechad. Alta Jesus a mle mesaul a bedengel, engdi ngulemuchel el lolengit a ralm. Me ngsebechem el omuchel el outkeu er a chad e mo mesaod er a blekerdelel a eanged me a lechub a tekoi el dubechang er a beluu. Lak mobes, kau a soam el omuchel er a cheldecheduch, me ngsebechem el mesaod el kirel a tekoi el momdasu e ngsemeriar er ngii a chad. Ngdiak a telemall a lsekum ngdiak longer er kau. Molasem el mengedecheduch er a kuk ta er a chad, e molengit er a Jehovah me lebeskau a blekengem el meruul er tiang.​—Neh 2:4; Rel 4:29.

• Bo mkltmokl el kirel a ngii di el techall el mo omerk er a ungil chais, engdi ngdiak morreched. Becherei a cheldecheduch me lolemolem el ngar sel rolel, e lak morrimel er a chad e le ngsebechel el mo uchul e ngrullii el mo metacherbesul me a lechub e ngmo chetil el mengedecheduch. Lak bo el mekngit a rengum a lsekum e ngmlo diak a techellem el ousioning. A lsekum e ke omdasu el kmo ngmeringel er kau el omuchel a cheldechedecham el kirel a ungil chais, e molasem el omuchel a cheldechedecham el moktek er kau a mo ousioning. [Morelii a video 1 e mosaod er ngii.]

• Molasem el osiik a techall el mo ousioning el mo er ngii el oeak sel omosaod er a klaumerang er kau, el sebechel el mo uchul me a chad a mo soal el mo medengei a lmuut el betok. A Jesus a milsaod a tekoi el ulemeksemeriar er ngike el redil a uchul me ngmlo oker a ker. Me sera lomuchel el omerk er a ungil chais, e ngulenger aike el keril. [Morelii a video 2 e mosaod er ngii, e morelii a video 3 e mosaod er ngii.]