Lak Moltirakl er a Rechad

23:1-3

A uleklatk er a Jehovah el mora resioning me a re judge er a kerrekeriil el kmo lak le mekesuseu er a rechad el mo melekoi a blulak me a lechub e bo lak lemelemalt loukerrekeriil, a dirrek el melutk el kirel a bebil blekeradel er a klengar. A Rekristiano a chelebangel a orimel er a bek el taem el mo oltirakl a mekngit el uldasu me a blekeradel er tia el mekngit el beluulechad.​—Rom 12:2.

Ngera uchul me ngdiak lolechotel a llomeserreng a bo doltirakl er a rechad sel

• derenges a chais me a lechub e ngtelulechoid?

• dolilt a bail, omengimd, me a lechub e ngongelaod?

• dolatk me a lechub e dobengterir a rechad el ngodech a belurir, siukang er tir, me a lechub e te mechebuul?