Mkerekikl Me Lak Bo Momerk a Blulak

Chelecha el taem e a chais a sebechel di mereched loberk el mora rebetok el miliol el chad loeak a babier, razio, TV, me a Internet. Tirke el mengull er a “Dios er a klemerang” a kmal diak el sorir lomriid a blulak el chais, alta ngdiak er a rengrir e mo meruul uaisei. (Psa 31:5, NW; Exo 23:1) A blulak el mo telulechoid er a delongeled a sebechel mo uchul a klou el tellemall. Me a lsekum e ngsoam el tirterii el kmo, a tekoi ngklemerang me a lechub e ngdiak e di lekau loker el kmo:

• ‘Ngsebechek el ultuil a tekingel?’ Ngika el louchais a locha diak lodengei rokui el omesodel. A chais sel loberk el mora tang e mora tang e ngblechoel mengodech, me bo mkerekikl a lsekum ngdiak modengei el kmo tia el chais ngulemuchel er ker. Tirke el ngar ngii a ngerechelir er a ongdibel a kmal kirir el lmuut el mo kerekikl sel louchais a chais, e le rechad er a ongdibel a mengull er tir el kmo te rolel a omelai el ulekrael

• ‘Tiang ngmo uchul otuub el mora rebebil?’ A lsekum aika el tekoi a mo tomellii a chisel a chad me a lechub e ngcheldebechel, e ngbai ungil a lak domelekl.​—Osi 18:8; Fil 4:8

• ‘Ngsebeched el oumerang er tia el tekoi?’ Bo mkerekikl sel mrenges a cheldecheduch me a lechub e ngtekoi el dilubech el kora kmal mengasireng

MOMES ER A VIDEO EL HOW CAN I STOP THE GOSSIP? E MONGER AIKA EL KER:

• 

  A doltirakl er a Osisechakl 12:18, e a tekinged ngsebechel mo uchul a ngera el tellemall?

• 

  Ngmekera Filipi 2:4 e ngosukid el mo ungil melilt a dolekoi el kirir a rebebil?

• 

  Kede mo mekerang a lsekum a rechad a mo ometech a tekoi el mesaod er a rechad me a lechub e te melekoi a mekngit el kirir?

• 

  A uchei er a bo dosaod er a rebebil, e ngera el ker a kired el di kid loker?