Sel Kot el Klou a Ultutelel el Klalo er a Chedaol Tento

25:9, 21, 22

A Blil a Telbiil a mle kot el klou a ultutelel el klalo el mlara chedaol tento me a kiamp er a rechad er a Israel. A eabed el mlara delongelir tirka el kerubim el ngar bebul a dengebel a Blil a Telbiil a mle okesiul a Jehovah el ngar er a delongelir. Ngar sel Sils er a Tngakireng, e ngike el ngarbab el prist a mlo soiseb er a Kmal Chedaol Delemerab el mo meliim a rsechel a sechal kerbou me a kaming er bebul tia el dangeb, el mengikiid a kngterir a rechad er a Israel. (Lev 16:14, 15) Tia el tekoi a ulemekesiu er a Jesus, el ngike el kot el Ngarbab el Prist, sel siseb er a eanged el mora medal a Jehovah el oba kerresel a olubet el tengetengel.​—Heb 9:24-26.

Mngiltii a bades el mo obengkel a klungiaol el mleketmokl el olubet a uchul:

BADES

• 1Jn 1:8, 9

• Heb 9:13, 14

• Rom 6:23

KLUNGIAOL

• omelatk el kiei el mo cherechar

• klausubes er a klengit

• klikiid el uklatk

Ngera kired el meruul a lsoad el ngmai aika el klungiaol?