Lmuut El Mo Ungil A Duch Er Kid El Ngar Er A Omesiunged​—Omerk er a Klumech Lousbech er a Dengua

A UCHUL ME NGKLOU A ULTUTELEL: A berkel a klumech lousbech er a dengua a ta er a klou a ultutelel rolel e kede “churrengelii a ureor . . . [er a ] berekel a Ebangkelio.” (Rel 20:24)a Tia rolel e ngsebeched el merkii a klumech el mora chad el diak el sebeched el mo odngelii er a blil.

ROLEL A MORUUL ER NGII:

• 

  Mketmeklau. Mosaod er a tekoi el ngar er a uldesuir a rechad. E mrellii a outline er a tekoi el soam el mo melekoi. Ngdirrek el mketmeklii a kedeb el tekingem el mesaod er a uchul me ke ulemekedong a lsekum a dengua a mora answering machine. Ngungil omdengchokl er a tebel loba outline er kau me a bebil er a klekedall el bo mousbech el ua tablet el ngii a belkais el mora JW Library^® me a lechub e ng jw.org^®

• 

  Mchelleklii a rengum. Mongedecheduch el ua blekerdelem omongedecheduch. Bo mklikmechur e momchim el ua omongedecheduch er ngii a lengar medam. Lak le medebdeb a cheldechedecham. Ngkmal ngosukau oblechoel el meruul er ngii el obengterir a rebebil. A lsekum a chad er a blai oker er a ker, e mluut el meleklii a keril me a partner er kau bo el sebechel rongesii e le ngosukau el osiik er a nger er ngii

• 

  Mketmeklii a rolel e ngsebechem el lmuut el omekedong. A lsekum a chad a olecholt er a klemeriarreng e ngsebechem el mecherei a ker el bo monger ngii sel omluut el omekedong. Ngdirrek el sebechem louchais er ngii el kmo ngngar er ngii a babier el soam el e-mail, mora blil e msang, me a lechub e ke odureklii el mo er ngii. Me a lechub e ngsebechem el olengit el mo text me a lechub e ke e-mail er a ta er a video me a lechub e ngsuobel el mo er ngii. Ngar sel ungil taem, e ngsebechem el louchais er ngii el kirel a bebil tekoi el ngar er a website er kid