Mongeluolu er a Chebechiielem

A Jehovah omes er a chebechiil el kmal mekreos. Ngdilu el kmo a bechiil sechal me a bechiil el redil a kirir lomelemii a chebechiielir. (Mt 19:5, 6) Ngbetok a ungil chebechiil er a delongelir a rechedal a Dios. Me nguaisei, ngdiak a chebechiil el diak a mondai er ngii, engdi ngdiak el soad el moba sel luldasu el kmo a lsekum e ngdiak a deurreng er a chebechiil e ngungil bo de chacheroid me a lechub e dorort er a chebechiieled. Me te mekera rubekel el Kristiano e mengeluolu er a chebechiielir?

Molatk a eim el meklou a ultutelel rolel.

1. Mongkar er a rengum loeak sel lak moruul er a ulengemechem e momes a ongelaod el ngar ngii a deleboes er ngii, e le tia di mo choitechetur a chebechiielem.​—Mt 5:28; 2Pe 2:14.

2. Msisichii a deleuill er kau me a Dios, e momekeroul er a urungulem el soam lodeuir a rengul el ngar er a chebechiielem.​—Psa 97:10.

3. Molemolem loubail er ngike el beches el chad, e moruul a mekekerei lolechotel a ungil omeruul el mo omekbeot er a klengar er a bechim.​—Kol 3:8-10, BT, 12-14.

4. Bo blechoel el ungil chadecheduch e mkaiuecholt omengull el ngar er a omelekingiu.​—Kol 4:6.

5. Mrellii a ngerechelem er a durs er a chebechiil el ngar er a rolel a bltikerreng.​—1Ko 7:3, 4; 10:24.

A Rekristiano sel lekebkellii a chebechiielir, e te kobkellii a Jehovah el ngike el Uchul a chebechiil.

MOMES ER A VIDEO EL “RUN WITH ENDURANCE”​—OBEY THE RULES OF THE CONTEST, E MONGER AIKA EL KER:

• 

  Alta chebechiil a omuchel el ungil, engdi ngera el omelsemai a sebechel duubech?

• 

  Ngmekera omellach er a Biblia e ngosuterir tirke el dikea el deu a rengrir er a chebechiielir?

• 

  Ngera el llach a bla leketmokl a Jehovah el kirel a chebechiil?

• Ngera kirir a rubekel el meruul a le sorir a bo lungil a chebechiielir?