MKIEI EL UA KLENGAR ER A REKRISTIANO

Bo Lungil Omelilt er Kau er a Usbechellel a Rrom

Siasing el mengai er a video el ‘Think Past the Drink.’ Chad el beldoel er a rrom e a bersoech el mla tuobed a ungelel a me tuobed er a kebengel.

A rokui el Kristiano a kirir el oba ulserechakl el reng el kirel a usbechellel a rrom. (Osi 23:20, 29-35; 1Ko 6:9, 10) A lsekum a Kristiano a melilt el mo melim, e ngkirel melim el ngar er a tabesul el rolel. Ngdirrek el diak el kirel el mo ultuil er a rrom me a lechub e bo lolibas er a rebebil. (1Ko 10:23, 24; 1Ti 5:23) Me ngdiak a chad, el ileakl a ngeasek, el kirel morimel el mo melim a rrom.

MOMES ER A VIDEO EL THINK PAST THE DRINK, E MONGER AIKA EL KER:

Ngera uchul me a rokui el Kristiano a kirir el olengesenges a llach el kirel a omelim el rrom?—Rom 13:1-4
Ngera uchul me ngdiak el kired el mechititerir a rechad me lorrimel er kid el mo melim?—Rom 6:16
Ngmekera dongeroid er kid er a kdekudel el blekeradel el ngar ngii a omelim er ngii?