Aike el Desuub er a Klengar er a Samuel

A Samuel a uleba blakerreng el mora Jehovah er a klengar er ngii el rokir. Sera lekekerei e ngkmal dimlak lekengei el mo ua Hopni me a Finehas el mirruul a klengit. (1Sa 2:22-26) Ngmirrael el mo klou e a Jehovah a di ulebengkel. (1Sa 3:19) Ngmlo chuodel e di millemolem el mesiou er a Jehovah alta rengelekel a dimlak loba blakerreng.​—1Sa 8:1-5.

Ngera kede suub er a Samuel? A omngeasek e bo lulterekokl a rengum el kmo, a Jehovah a medengei a omelsemai el omchelebangel me a tekoi el omomelechesiu. Ngkmal sebechel ngosukau el mo oba blekeu. (Isa 41:10, 13) A lsekum e ke oungalek e a ngelekem a diak losiou er a Jehovah, e bo lemechelaod a rengum el kmo a Samuel a dimlak lorrimel er a rengelekel el mla mo meklou el mo oltirakl a llechul a Jehovah. Ngmillemolem el oba blakerreng el mora Jehovah e milechei aika el tekoi er chimal. Nguldeuir a rengul a Jehovah. A ungil kerebai er kau a locha mo ocheuir a rengul a ngelekem el lmuut el mei er a Jehovah.

MOMES ER A VIDEO EL LEARN FROM THEM​—SAMUEL, E MONGER AIKA EL KER:

• 

  Ngmilekera Samuel e olecholt er a blekeu er a lekekerei?

• 

  Ngmilekera Danny e olecholt er a blekeu?

• 

  Ngmilekera Samuel e kutmeklii a ungil kerebai er a lechudelang?

• 

  Ngmilekera demal me a delal a Danny e kutmeklii a ungil kerebai?