Mngesuterir a Remesuub el Mo Mesisiich er a Diak el Klikiid el Omeruul

Ngdi tirke el klikiid a omerellir a sebechir el mo er ngii a kmes el deleuill er tir me a Jehovah. (1Pe 1:14-16) A remesuub a Biblia sel bo lemesisiich er a diak el klikiid el omeruul e te dirrek el mo mesa el kmo nguchul a klungiaol el mora telungalek er tir, klisichel a bedengir, me a rolel a tekoi er a udoud.

Bo mungil smodii a uldesuel a Jehovah el kirel a ungil me a mekngit, uchul me ngmelekoi el uaisei, me a dirrek el klungiolel a loltirakl. Molasem el lolengeseu er tir el melodech er a rolel a lomdasu e seikid e ngmo sebechir el meruul er a soal a Jehovah. (Efe 4:22-24) Molterekokl er a rengrir el kmo ngsebechir el mo mesisiich er a mekngit el omeruul loeak a ngelsuil a Jehovah. (Fil 4:13, NW) Mosisecheklterir el mo meluluuch el mora Jehovah sel bo el sorir el mo meruul er a mekngit el lurruul er ngii. E mngesuterir el mtab a blekeradel el mo mengesuseu er tir e bo longeroid er tir er ngii. Molisiich er tir el mo mtechei aike el mekngit el omeruul er a ungil tekoi el sebechir el meruul. Ke mo metik er a klou el deurreng sel mesa chad el mosuub lobengkel el meruul omelodech er a klengar er ngii loeak a ngelsuil a Jehovah.

MOMES ER A VIDEO EL HELP YOUR BIBLE STUDENTS TO OVERCOME UNCLEAN HABITS, E MONGER AIKA EL KER:

• 

  Te milekera remechuodel me a Neeta e ochotii er a Jade el kmo ngngar ngii a klaumerang er tir er ngii?

• 

  Ngera ngmirruul a Neeta el lmuut el olengeseu er a Jade?

• 

  Ngmilekera Jade e osiik er a ngelsuil a Jehovah?