Te Rua Techa Sechelim er a Internet?

A sechelei a moiuid el “ngike el merekedii er a chad le ngbetik a rengul er ngii e oba omengull el bedul ngii.” El ua tiang a Jonathan me a David a mlo er ngii a mesisiich el klausechelei er tir er a uriul er a lokodir a Goliath a David. (1Sa 18:1) Tirka ullecholt a blekeradel el ngii a rirellii ngike el kuk tang el soal mo sechelil. Me a mesisiich el klausechelei a meteketek loeak a klemedengei er kid er a chad. E ousbech a taem me a ureor el mo medengelii a chad. Me nguaisei engdi chelecha e ngkmal beot a di debetir e mo “friend” er a chad er a Internet. Me ngii el sebechir a rechad el melatk e meluches e control a tekoi el lolecholt er a rechad a uchul me ngbeot er tir omart er ngike el mera el tir. Sei a uchul me ngungil omkerekikl el melatk el kmo ngtecha ungil a om add er tir el mo sechelim. Lak medakt el ignore me a lechub e ke reject a friend request er a rechad el diak mungil medengelterir le ngdiak el soam el tomall a rengrir. A rebebil a melilt el diak lousbech a social network el mengeroid er tir er aike el sebechel mo uchul a telemall. Me nguaisei engdi a lsekum e kau a ngiltii el mo ousbech a social network e ngngera ungil omolatk?

MOMES ER A VIDEO EL BE SOCIAL-NETWORK SMART, E MONGER AIKA EL KER:

• 

  Ngera ungil omolatk er a uchei er a om post a comment me a siasing?

• 

  Ngera uchul me ngungil a omkerekikl el melilt er tirke el friend er kau er online?

• 

  Ngera uchul me ngungil om set a limit er a taem el mongoit el lousbech a social network?​—Efe 5:15, 16