MKIEI EL UA KLENGAR ER A REKRISTIANO

Mngesuterir a Rechad el Diak el Mesisiich er a Tekoi er a Klechelid el Mo Medengelii a Ulemeob

Kau, ngomai er a rengum a mengedecheduch er a rechad el diak el mesisiich er a tekoi er a klechelid, e le komdasu el kmo ngdiak bo lorrenges? A leuaisei e lak mobes el kmo a rebetok el chad el dimlak lemesisiich er a tekoi er a klechelid luldimukl er a redimlak loumerang el kmo ngngar ngii a Dios, a mla mo Sioning er a Jehovah. Oumesingd el taem e te di uluusbech er a rechad el mo ngosuterir el mo merriter olechotel a kmo ngngar ngii a Dios.—Rom 1:20; 10:14.

MOMES ER A VIDEO EL REMEMBER—FAITHLESS PEOPLE CAN ACQUIRE FAITH!—NONRELIGIOUS PEOPLE, E MONGER AIKA EL KER:

Ngmekera experience er a Tommaso e ngosukau el mo oba positive el uldasu el kirel omerk er a klumech el mora rechad el diak lemesisiich er a tekoi er a klechelid?

Nger er kau

Rolel omoruul er ngii

A lsekum a chad a kmo ngdiak loumerang er a Dios, e bo lungil omerellem el mo er ngii e mochotii omengull e mungil lorrenges er ngii louchais a uldesuel el kirel. (2Ti 2:24) Mosaod a tekoi el lesemeriar er ngii. Ngkongei el mesaod aike el mla rulleterir a rebetok el mo oumerang el kmo ngngar ngii a Ulemeob? A leuaisei e mousbech aike el babier me a video el mleketmokl el kirel tiang. A brochure el Was Life Created? me a The Origin of Life—Five Questions Worth Asking a mla mo ngar er a Blil a Dongu er kid me lebeot er kid a metik.

A kot e ke locha omai er a rengum a mesaod er a klemerang lobengkel a chad el diak loumerang er a Dios. Ngsebechem lolengit er a publisher el ngar ngii experience er ngii er tia el tekoi me lengesukau? E dirrek el lak mobes el kmo a Jehovah sebechel ngosukau el remutech a rengrir tirke el rredemelel, mo lmuut me a lsekum a uchelel e te diak loumerang el kmo ngngar ngii a Dios.—Rel 13:48, NW.