MKIEI EL UA KLENGAR ER A REKRISTIANO
Ruungalek, Mosisecheklterir a Rengelekiu el Rullii a Jehovah el Mo Dmeu a Rengul
Jehovah omes er a rengalek el kmal mekreos. Ngomes a okurulir er a klereng me aike el loutekangel. (1Sa 2:26; Lk 2:52) Ngmo lmuut er a rengalek el kmal dirk mekekerei me ngsebechir el rullii a Jehovah el mo dmeu a rengul loeak a ungil blekerdelir. (Osi 27:11) Ngoeak a cheldebechelel, e a Jehovah a mla otobed a kmal ungil dongu el olengeseu er a ruungalek el ngosuterir a rengelekir el mo betik a rengrir er a Jehovah e olengesenges er ngii.
MOMES ER A VIDEO EL YOUNG ONES—YOUR ENDURANCE MAKES JEHOVAH REJOICE! E MONGER AIKA EL KER:
Ngera el ngeso me a ulekrael a bla lotobed a Jehovah el kirir a rengalek er aika el mereko el rak?
Ngera el dongu a ngar ngii er chelecha el taem el olengeseu er a ruungalek?
A lsekum ke ta er a rengalek, e ngera el dongu el bla lotebedii a Jehovah a mla ngosukau? Ngera uchul me ke melekoi el uaisei?