Ke Medengei el Kmo Ngerang?

Ngera el bedengel a olidiuul a lemla er ngii ngike el eunuk er a Ethiopia er a bo longedecheduch er ngii a Filip?

A TEKOI el loliuid er ngii a New World Translation el “kuruma” a melutk el kirel a kakerous el bedengel a kuruma. (Rel. 8:​27-29, 38, NW) Me a kuruma el lemla er ngii ngike el chad er a Ethiopia a locha mle klou el diak el kuruma er a mekemad me a lechub e ngkuruma lousbech er a klekool. Molatk er a bebil er a uchul me kede melekoi el uaisei.

Ngika el chad er a Ethiopia el mlara kemanget el omerael a mle ngarbab el chad. “[Nguluungerachel] a mekreos el kloklel a kuin er a Ethiopia.” (Rel. 8:​27, 28) A Ethiopia er a irechar a mle uldimukl er ngii aike el beluu el chelecha el taem e ngbeluu er a Sudan me a dimes er a Ekipten. Me alta ngdimlak lousbech er tia el osisiu el kuruma er a klemengetel a omerollel, engdi ngulterekokl el mla er ngii a telechellel e le ngmle kemanget a omerael. Bebil er a olidiuul el luluusbech er a taem er a rekot el Kristiano a mle kuruma el kleua ochil e ngar ngii a dekedekel. A babier el Acts—An Exegetical Commentary a kmo, “aika el kuruma a sebechel loltak a betok el telechull, e rullii el mo beot a dengar omerael, me a rechad a sebechir el ngar ngii el ngar er a kemanget el omerael.”

Ngika el chad er a Ethiopia a milenguiu er a bo longedecheduch er ngii a Filip. A Bades a kmo a “Filip a rirurt el mong e rirengesii el menguiu er a babier er a Profet Isaia.” (Rel. 8:30) A kuruma el luluusbech el ngar omerael a dimlak el bekerurt. Ngii el mle soro a uchul me a eunuk a mle sebechel menguiu e dirrek el mle sebechel a Filip el remurt el mdechemii.

Ngika el chad er a Ethiopia “ullengit er a Filip me bo le ngasech el mo obengkel dengchokl.” (Rel. 8:31) Ngar er aike el kuruma lousbech el kirel a klekool e a rechad a dechor. Engdi aike el kuruma el kirel omerael a mla er ngii a basio el sebechel ngika el eunuk me a Filip el dengchokl er ngii.

Ngoltirakl er a mlukreng el tekoi el debetik er a 8 el bliongel er a Rellir me a sioko er a reksi, e a babilenged a mla mo olecholt er a siasing er ngika el eunuk er a Ethiopia el ngar er a kuruma el klou er a kuruma er a mekemad me a lechub e ngkuruma lousbech er a klekool.