Ousubes a Klengit er Uchei er a Lebo er Ngii a Olubet

Ngokiu olubet el tenget el lekilkedir a Jesus loeak a rsechel e ngsebechel musubes a kngtid. (Efe. 1:7) Me nguaisei engdi Biblia kmo: “Nguleak a kllourreng er a Dios e nguluusubes a klengit el dilubech er a ngar er a mong,” el uchei er a Jesus a lodersii olubet. (Rom 3:​25, NW) Ngmekera sebechel a Jehovah el meruul er tiang e a osisiu el taem e ngdirk melemalt el Dios?

Ngar osengel a Jehovah e sel taem er a letibir a ‘uldidellel a rasech’ el mo olsobel er a rebekongesenges el chad, e ngua bla lemekekad olubet. (Gen. 3:15; 22:​18, NW) A Dios a mle ulterekokl a rengul el kmo a Ngelekel a mo kongei el kutmeklii olubet. (Gal. 4:4; Heb. 10:​7-10) E a Jesus er a lengar tia el chutem er uchei er a lemeketmokl olubet e a Dios a milsang a klisichel el lousubes a klengit. Ngmle sebechel lousubes a kngterir a ruumerang loltirakl er a kerresel a tenget el bo loruul er ngii.—Mt. 9:​2-6.