Mesuub e Share Aike el Desuub

Omesubed a sebechel mekbechesur a rengud me nguaisei nglmuut el mukbeches a rengud sel de share el mora rebebil a mekreos el tekoi er a Biblia el bla desuub el kmal melisiich er kid. A Osisechakl 11:25 (NW) a kmo: “Ngike el omekbeches a rengrir a rebebil a mo mukbeches a rengul.”

Sel de share aike el bla desuub el mora rebebil e ngngosukid el mo beot er kid a dobedebek e dirrek el dochelir a klemedengei er kid. Aika el mekreos el tekoi el desuub a dirrek el mo uchul a klungiolir a rebebil, me sel de share lobengterir e ngmo dmeu a rengud.—Rel. 20:35.

Molasem er tiang: Chelsel chelecha el merael el mei el week e mosiik a techall el share aike el bla msuub lobengkel a chad. Ngsebechem el share el mora chedal a telungalek er kau, chedal ongdibel, chad el mdak loureor, ngalek er a skuul, tonari er kau, me a lechub e ngchad el kau a meet er ngii er a berkel a klumech. Molasem louchais er ngii lousbech a di tekingem el ngar er a beot e bleketakl el rolel.

Lak mobes: Em share aike el bla msuub el mo melisiich er a rebebil ngdiak el kirel a ilad.—1 Ko. 8:1.