Footnote

a A temel a blsechel a Chedaol Belsoil e kede muchelechel el mo melatk el kirel a klengar er a Jesus me a kodellel, me a bltikerreng el ngii me a Demal a mla ochotii el mei er kid. Sel doruul el uaisei e ngodbechid el mo ochotii omereng el saul er kid el mo er tir. Tia el suobel a mo mesaod a rolel e ngsebeched lochotii a omereng el saul er kid el kirel a olubet, e ochotii a bltikerreng er kid el mora Jehovah me a Jesus. Kede dirrek el mo suubii a rolel e kede olecholt er a bltikerreng el mora rudam me a rudos er kid, olecholt er a blekeu, e metik a deurreng el ngar er a omesiunged.