CHELITAKL 139
Momes er Kau er a Chelsel a Beches el Beluulechad
(Ocholt 21:1-5)
1. Ka mesekau, e mesekak,
El rokui’l ngara b’ches el beluulʼchad.
Ngmo ua ngera uldesuem sel
Dekiei el ngara budech e mimokl.
Ngmo diak ar mekngit el chad e a
Dios a mel’molem el mengedereder.
Ngmocha temel lomuchel a b’ches el klengar.
Kede mengitakl a odanges
el ngara r’ngud:
(CHORUS)
“Chedam ke mesaul ra rokui’l tekoi.
Ngbeches a rokui loeak a Ngel’kem.
Ngkmal dmeu a rengmam el mengitakl el kirel.
Rokui el odanges ma klebkall a di kloklem.”
2. Di mesekau, e mesekak,
E mesang a beches el beluul’chad.
Ngmla mo diak deues e derenges,
Ngii dil tekoi’l uchul a sebekreng.
Rokui’l tekoi a di mla tmaut
Me ngkiei lobengterir ar chedal.
Ngmocha ol’kiis er tirkel mla mad me te
Mo obengked el mengitakl
er a deurreng:
(CHORUS)
“Chedam ke mesaul ra rokui’l tekoi.
Ngbeches a rokui loeak a Ngel’kem.
Ngkmal dmeu a rengmam el mengitakl el kirel.
Rokui el odanges ma klebkall a di kloklem.”
(Dirrek el momes er a Psa. 37:10, 11; Isa. 65:17; Jn. 5:28; 2 Pe. 3:13.)