Chelitakl 73 (166)

Momes er a Urrurt er a Jehovah!

(Joel 2:7)

1. Momes ra urrurt ra Jah,

Ngmimokl ra Babilon,

Lomerk ra Renged

El Jesus a king er tir.

Te merael bedul uchei,

Loba blekeu el reng;

Di mle tir a kongei el mong,

Ngdiak le medakt.

Tultuil ra Jehovah,

E oltirakl ra Ngelekel,

Tomerk el kirel a:

“Omerreder ra Dios.”

2. Momes rar chedal a Jah

Losiik a rua sib,

Mar klsuul a mengkar

Rar sibai ra Bab’lon.

Ngsorir losobelterir

Sel loldingel er tir;

Tir a lomekedong

El mei ra miting.

Sel ngebetii a sib,

Te lmuut losiik er ngii

E olisechakl er ngii

Ra rokui’l klemerang.

3. Momes a klou’l seked

Eungel a Kristus,

Te dmak tir mar ngellitel,

E bekeu el merael.

Kerekikl el ua bersoech,

E klikiid el ua belochel,

Toutekangel ra ultok,

Ngdiak bo lmechitechut.

Ngdmeu a rengrir loldanges

Dios el Rubak e King;

Ngara mera’l omengull,

Te merael lolnges’chekl.