Chelitakl 99 (221)

Kemiu el Ngeasek! Moukerebai er a Blakerreng er Tir

(Hebru 6:12)

1. Ngeasek el Samuel a mlo ra Silo

Ngmlukeroul el mo mesiou ra templo.

Me seral bo lklou’l chad engmlo profet,

Ngii el Naz’rit, a longebkall ra ngklel a Dios.

Ar ngelekel a Eli a mle mekngit.

Te tilemellii a ngeasek el Samuel?

Ngdiak, a Samuel a milsuub ra blekongesenges.

A rolel a Jehovah a dimlak el chitii.

2. A Timoteus a mlukeroul ra lekekerei

El mlo ungil chuodel; loltaut a Bades.

Ngmlo oltirakl a tekoi el lulsuub er ngii.

Ngulsiik a rolel el mo blak a rengul.

Engngara ongdibl er ngii engmle ungil a chisel,

Me te chilat er ngii el dimlak lomtok.

Engmlar ngii a techellel lobengkel a Paulus;

Ma urerel a mlo uchul a klengeltengat.

3. Ngeasek el rudos, molatk ra ekebil ra Israel

Ngulumera ra Jah me ngua ngisel a chesiuch.

Altang ngmlo blebaol, e mle blak a rengul;

A blakerreng er ngii a millisiich rar chad.

Nguluuchais ra bechil a Naaman el kmo:

‘A profet ra Jah a sebechel lomekungil.’

Ma Naaman a ngileltii el mo orrenges.

Klengeltengat al ngilai er ngka’l ekebil.

4. Kemiu’l ar ngeasek aki melisiich er kemiu

Loltirakl aika’l ungil okesiu.

Ngar ngii a klou’l omelatk ra uriul sils.

A Jehovah a millilt er tirke’l mo modurokl.

Me kemiu’l ngeasek, mem bo mteloi ra klakoad

Lobengterir ar rokui’l chedal a Dios.

Me douchais ra uleklatk ma odengesel

E de teloi ra omeksaul ra uriul sils.