Chelitakl 18 (42)

“Tiaikid a Rael”

(Isaia 30:20, 21)

1. Ngoleker a Dios el kmo; morael er tia’l rael,

Sel rael el Jehovah a ulechotii.

Ngar er ngii a ungil ‘l rael el kot el ungil,

Ngokiu ngii a Dios e omeklatk er kid.

Tiakid a rael el moeak ngii.

Me lak mongiil! E lak le etim!

Kede rongesii tia’l bleketakl lokedong.

Me deblechoel louchais er ngii.

A chedaol reng ra Jah a mo mekrollid.

Me ngar ra llemalt e ngkired el merael.

2. Tekoi el mla ra ulled, ungil a ngerel,

Le Kloul Sensei er kid a ulechotii.

Me dekerekikl remenges loba klemedengei.

Maikel klsuul bakes a bo dekerekikl er ngii.

Morael ra rolel a klemerang,

Sel rael ra chedaol kmal mellomes.

A medad ra klemerang a omes a budech,

Le Kristus a mla mengedereder.

Me lak demetetuchakl e di demel’malt,

Morael ra rolel a Dios ‘lolengeriakl.

3. A rolel a Jehovah a kired el smodii

El mora rurrenges ra chutem el rokir.

Ua belochel el mo ra blil ma remenges a mong

El mora mera’l Dios el Osobecheklir.

A rolel a Jah a ngara budech.

Kede mimokl ra klechad ra Satan.

Ngara rael ra llemalt ma rael ra ungil el reng,

Ngmeskid a klengar el mo cherechar.

Dokiis a bdelud, e dorrechedid el merael,

Bo dolatk ra Renged, el delengchekled.