Chelitakl 17 (38)

Molecholt er a Llemalt

(Psalm 18:25)

1. Jehovah ngar ngii ar chedal

El dmeu a rengrir loba ngklel

Ngua melemalt el ongdibel

El tilib a rengrir ra chisel.

El ngara tebellel ra klereng,

Ngdmeu a rengrir lomengur,

El kirel todeuir a rengul

Ra uldasu ma omeruul.

2. Ngkired lochotii a llemalt

El mora ongdibel ra Dios,

Ngdiak dolmesim ra telbiled,

Ra blsechel a uldikel.

E kede mo kokerengii,

Me lak bo l’metemall;

Sel domes er tir el mo chuarm,

E domeklatk er tir.

3. Loba llemalt lolengeseu,

Ra rokui’l rudam er kid,

Ngara omesuub ma odingel,

E ungil el ngosuterir.

Ma ngara telungalek er kid,

Ngdiak domuchel a uldikel

Ngara bek el blekeradel

E dochotii a llemalt.

4. Ma klechad a diak lemelemalt,

Me dolecholt a cheledaol

El mor tirke’l redomel

Sel dorael el ua Kristiano.

Dochotii a Satan a bulak,

Engdi Jehovah a klemerang.

A llemalt a uchul e kid

A mo nguu a kengei er ngii.