A Dios a di ua betik a rengul el chedam. 1 Petrus 5:6, 7

A Dios a ngike el Ulemeob er kid, e ngii a kmal omekerreu er kid. Ngkmal di ua mellomes a rengul e betik a rengul el chedam el soal el omekrael er a rengelekel, me ngii el Dios a olisechakl er a rechad er a bek el beluu er sel kot el ungil el rolel a klengar.

A Dios a ouchais er kid er aike el mekreos el klemerang el tekingel el mo uchul a deuil a rengud me a omeltked.

A lsekum e ke olengesenges er a Dios, e ngmo omekrael e omekerreu er kau e ngosukau el mo meduch el mesmechokl a mondai er kau.

Engdi ngngar er ngii a lmuut el betok el ungil el tekoi​—ngmo sebechem el kiei el mo cherechar!

A Dios a oleker el kmo, “Mrengesak . . . mer ngak me bo mnguu a klengar!” Isaia 55:3

A Dios a mengedecheduch er kid el okiu a Biblia. 2 Timoteus 3:16

A mera el Dios a ulemekrael er a rechad el mo meluches a uldesuel er a chelsel a ta el ileakl el babier. E tia el babier a Biblia. Ngar er a chelsel e ngngar er ngii a meklou a ultutelel el tekoi el soal a Dios a obo modengei.

A Dios a medengei aike el mo uchul a klungioled, e Ngii a Ngike el Uchul a llomeserreng. Me sel dolengesenges er ngii, e ngmo mellomes a rengud. ​—Osisechakl 1:5.

A Dios a soal a rokui el chad er tia el beluulechad a bo longuiu er a Biblia. E tia el Biblia a mla moiuid el mo er a betok el kakerous el omelekoi.

A lsekum e ngsoam el mo olengesenges er a Dios, e ngkmal kirem el menguiu er a Biblia e mo medengei a belkul a tekoi el ngar er a chelsel.

Meliuekl er a beluulechad el rokir, e a rechad a mesuub el mo medengelii a Dios. Matteus 28:19

A Resioning er a Jehovah a sebechir el ngosukau el mo medengei a belkul a tekoi el ngar er a chelsel a Biblia.

Meliuekl er a beluulechad el rokir, e te olisechakl er a klemerang el kirel a Dios.

E tia el omesuub a diak el ocheraol. Ngdirrek el sebechem el mo mesuub el kirel a Dios er a Kingdom Hall er a Resioning er a Jehovah el ngar er a beluam.