-
Ongeteruich me a Ongedei el Ker: Ngera ngmesaod a Biblia el kirel a ureor?Ngera Sebeched el Suub er a Tekingel a Dios?
-
-
ONGETERUICH ME A ONGEDEI EL KER
Ngera ngmesaod a Biblia el kirel a ureor?
“Moureor me le bor ngii a ikel mousbech; a lsekum ke di dengchokl el mengedecheduch e ke mo chebuul.”
Osisechakl 14:23
“Ngikel mirrechorech bo lak lorechorech e bo loureor me bo le sebechel el melemalt el mengereker a kirel a delengcheklel e bo le sebechel el olengeseu er a re mechebuul.”
Efesus 4:28
“Kede rokui el kired el mengang e melim, e oldeu a rengud er a ikel bla doureor el kirel. Ng sengk er a Dios.”
Olisechakl 3:13
-
-
Ongeteruich me a Ongeua el Ker: Ngmekerang e sebechem el oungerachel a mekreos el kloklem?Ngera Sebeched el Suub er a Tekingel a Dios?
-
-
ONGETERUICH ME A ONGEUA EL KER
Ngmekerang e sebechem el oungerachel a mekreos el kloklem?
“Ngikel betik a rengul er a tametereng a mo chebuul; me ngikel soal a bilong ma cheluch a diak bo le meteet.”
Osisechakl 21:17
“Ma meleng a udoud a sibil a lulleng a udoud er ngii.”
Osisechakl 22:7
“A lsekum ng ngar ngii er kemiu a melatk el mo omekedechor er a tebekebok, e a kot e ng mo dengchokl e mes a mo cheral e mesal kmo ng ngar ngii a udoud el sebechel el rokir ngiil ureor ng diak. Ele lsekum ng diak le ua isei, e ngdi mo loia omekedecheraol e a uriul er isei e ng dikea le merekui ngiil tebekebok; ma rokui el mo mesang a mo melenguul er ngii el chad. Te mo dmu el kmo, ‘Ngikal chad a di milechelii okedecherul a tebekebok e dikea le sebechel el rokir!’”
Lukas 14:28-30
“Ser a le medngesa el rokui, e ng dilu er a rubengkel el kmo, ‘Mchudel a der; ng diak a di telkib el de chitii.’”
Johanes 6:12
-
-
Ongeteruich me a Ongeim el Ker: Ngmekerang e sebechem el metik er a mera el deurreng?Ngera Sebeched el Suub er a Tekingel a Dios?
-
-
ONGETERUICH ME A ONGEIM EL KER
Ngmekerang e sebechem el metik er a mera el deurreng?
“Ng bai ungil cho mongang a iasai el obengterir a re chad el mkaubltikerreng, er a cho mongang er a kot el ungil tech e le ngar ngii a kltui.”
Osisechakl 15:17
“Ngak a RUBAK el Dios el olsisechakl er kemiu el mo ungilbesmiu, ak ngikel omekrael er kemiu er sel rael el kiriu el okiu ngii.”
Isaia 48:17
“Te ngeltengat a re medengei el kmo te chebuul a lak lousbech er a Dios; ele te mediukes er a Rengedel a Dios!”
Mateus 5:3
“Bo le betik a rengum er a ngar bitar kau el ua le betik a rengum er kau.”
Mateus 22:39
“Moruul el mor a re chad a ikel somiu a loruul el ekor kemiu.”
Lukas 6:31
“Te bai ngeltengat tirkel rongesii a tekingel a Dios e mo oltirakl er ngii!”
Lukas 11:28
“Ele klengar er a chad a diak lultuil er a ildisel a kloklel.”
Lukas 12:15
“Me bo lungilbesul er a rengud a le ngar ngii a biled ma keled.”
1 Timothy 6:8
“Ng bai klou el deurreng a dorous er a dolai.”
Rellir 20:35
-
-
Ongeteruich me a Ongelolem el Ker: Ngmekerang e sebechem el outekangel a sebekreng?Ngera Sebeched el Suub er a Tekingel a Dios?
-
-
ONGETERUICH ME A ONGELOLEM EL KER
Ngmekerang e sebechem el outekangel a sebekreng?
“Bsa RUBAK a berredem, e ng mo ngosukau. Ng kmal diak bo le bechere melemalt me bo lubuu.”
Psalm 55:22
“Ngikel blak a rengul el omdasu a mo betok a ngera er ngii, e ngikel di orreched a di olengesonges a lousbech.”
Osisechakl 21:5
“Lak medakt e ak ubengkem. Ngak a Dios er kau, me lak a ngeral bo medakt er ngii. Ak mo rullau el mo mesisiich, e ngosukau; ak mo sobecheklau e osebelau.”
Isaia 41:10
“A le sebek a rengmiu, me kemiu a di diak el sebechiu el komengetii a telkib er a klengar er kemiu.”
Mateus 6:27
“Lak el sebek a rengmiu el kirel a klukuk; a klukuk a ngar ngii a sebekreng er ngii. Ng diak a ultutelel el molechel a ikel kuk kirel a tal sils.”
Mateus 6:34
“Bo le sebechiu el ngmilt a ikel kot el ungil.”
Filipi 1:10
“Lak el sebek a rengmiu er a ngii di le ngerang, e bai molengit er a Rubak er a bek el nglunguchiu, a ikel mousbech, el di blechoel el mereng a sulel. E a budech er a Dios, el diak el sebechel a chad el mo cherrungel el medengelii, a mo mtebechel a rengmiu ma uldesuiu el oltirakl er a Kristus Jesus.”
Filipi 4:6, 7
-
-
Ongeteruich me a Ongeuid el Ker: Ngmekerang a Biblia e sebechel el olengeseu er a telungalek er kau?Ngera Sebeched el Suub er a Tekingel a Dios?
-
-
ONGETERUICH ME A ONGEUID EL KER
Ngmekerang a Biblia e sebechel el olengeseu er a telungalek er kau?
REBECHIIL EL SECHAL/RECHEDAM
“A re sechal a kirir el mo betik a rengrir er a re becherir el di ua le betik a rengrir er a di bedengir. A chad el betik a rengul er a bechil a di ngii el betik a rengul er ngii. Ng diak a chad el di ngii louketui er a bedengel. Ng bai omeka er ngii e mengedmokl er ngii . . . A re bek el sechal a kirir el betik a rengrir er a re becherir el di ua le tir.”
Efesus 5:28, 29, 33
“Me kemiul chedam, lak molengasech a rengrir ar ngelekiu, e momekeroul er tir er chomengedung ma chomellach ra Rubak.”
Efesus 6:4, BT
REBECHIIL EL REDIL
“Re bek el redil a kmal kirir el mengull er a re becherir.”
Efesus 5:33
“Re bechiil el redil moltubokl er kemiu er a re bechemiu, ele ng kiriu el ua isei ele kom oltirakl er a Rubak.”
Kolose 3:18
RENGALEK
“Re ngalek, ng ngercheliu er a klekristiano el olengesenges er a re demmiu ma re delemiu, ele tia ia melemalt el tekoi el kiriu el meruul er ngii. ‘Mongull er a demam ma delam’ a kot el llach el uldak er a telbiil, ‘me bo lungilbesul a rokui el tekoi er kau, me bo mchad el meketeket er tial beluulchad.’”
Efesus 6:1-3
“Re ngalek, bo morrenges a tekingir a re demmiu ma re delemiu, ele ng ungil er a rengul a Rubak cho mua isei.”
Kolose 3:20
-