• Sel Sandei el Omuchel er a February 17
    Omesiunged el Kirel a Renged—2014 | February

    • Sel Sandei el Omuchel er a February 17

      SEL SANDEI EL OMUCHEL ER A FEBRUARY 17

      Chelitakl 15 me a Nglunguuch

      Omesubel a Biblia er a Ongdibel:

      lv-E bliongel 3 par. 16-21 (30 el bung)

      Skuul el Kirel a Urerel a Dios:

      Omengiuel a Biblia: Genesis 29-​31 (10 el bung)

      No. 1: Genesis 29:​21-​35 (Diak el bo el engelakl er a 4 el bung)

      No. 2: A Belkul a Okiis el kirel a Klechad​​—Mk. 5:​35-42; Lk. 23:43 (5 el bung)

      No. 3: Ngerang a Rengedel a Dios​​—bh bliongel 8 par. 4-​10 (5 el bung)

      Miting el Kirel a Berkel a Klumech:

      Chelitakl 47

      10 min: Moba Delemedemek Sel Momerk er a Klumech. Omesaod el mengai er a Ministry School el babier, er a 118 el llel, parakurab 1, el mo er a 119 el llel, parakurab 5.

      5 min: Kau Ke Ousbech er a jw.org el Ngar er a Omesiungem? Omesaod. Molengit er a rechad er a ongdibel me louchais aike el ungil el tekoi el dilubech er a lousbech er a jw.org el ngar er a omesiungir. Molisiich er a rechad er a ongdibel me louchais el kirel a jw.org er a bek el ungil el techall.

      15 min: “Mrellii Tia el Blsechel a Chedaol Blsoil el Mo Uchul a Deurreng!” Ker me a nger. Molengit er tirke el melatk el mo auxiliary pioneer alta e ngar er ngii a chelitechetul a bedengir me a lechub e te oureor el mui el taem me louchais aike el omelodech el leriruul me bo el sebechir el menglou er a omesiungir. Sel mosaod er a parakurab 3, e molengit er ngike el odam el oungerachel a tekoi er a odingel a obliil me louchais aike el tekoi el mla meketmokl el kirel a miting el kirel a odingel a obliil er a March, April, me a May.

      Chelitakl 8 me a Nglunguuch

  • Mrellii Tia el Blsechel a Chedaol Blsoil el Mo Uchul a Deurreng!
    Omesiunged el Kirel a Renged—2014 | February

    • Mrellii Tia el Blsechel a Chedaol Blsoil el Mo Uchul a Deurreng!

      1. Ngerang a ta er a rolel e kede menglou er a deurreng er kid er a blsechel a Chedaol Blsoil?

      1 Kau ngsoam el mo kilungii a deurreng er kau er a March, April, me a May? A ta er a rolel e ke rullii tiang a okiu sel monglou er a omesiungem, me a lsekum e ngsebechel, e bom auxiliary pioneer. Ngmekerang e tiang a mo kilungii a deurreng er kau?

      2. Ngmekerang e a de kilungii a omesiunged a mo uchul a klou el deurreng?

      2 Mkilungii a Deurreng er Kau: A Jehovah a milebid el ngar er ngii a techelled el mo melechesuar a deurreng me a ungilbesul el klengar el okiu a omengull el mo er ngii, el ngii a melisiich er sel usbeched er a deleuill el obengkel. (Mt. 5:⁠3) Ngdirrek el rirellid er a rolel e ngsebeched el mo dmeu a rengud sel dorous el mo er a rebebil. (Rel. 20:​35) A omesiunged a meskid a techelled el mo meruul a eru el tekoi, el mo mengull er a Dios e olengeseu er a rechad. Sei a uchul me a dekilungii a omesiunged e ngmo uchul a klou el deurreng. Me a lmuut el tang, sel de blechoel el omerk er a klumech, e kede dirrek el mengal el mo meduch el meruul er ngii. Me sel donglou er a duch er kid, e kede toketekii a blekenged e mo diak el sal ouedikel a rengud. Ngdirrek el mo er ngii a betok el techelled el mo ousioning e mo omuchel a omesubel a Biblia. Aika el rokui a rullii a omesiunged el mo uchul a klou el deurreng.

      3. Ngera uchul me a March me a April a ileakl el kmal ungil el buil el bo de auxiliary pioneer?

      3 A March me a April a ileakl el kmal ungil el buil el bo de auxiliary pioneer e le ngsebeched el melilt er a 30 me a lechub a 50 el sikang el bo doltaut er ngii. Me a lmuut el tang, ngomuchel er a Saturday, el March 22, e melemolem el mo lmuut er a Chedaol Blsoil er a Monday, el April 14, e kede mo dmak el oldeu a rengud el merous a siotaikeng el mengemedaol er a rechad el me obengked er a Chedaol Blsoil. A bek el ongdibel a kmal mo dmeu a rengrir e le a rebetok el chad a dmak el oureor el melasem el mo rokir a basio er tir el mo er sel sebechir.​​—Sef. 3:⁠9.

      4. A lsekum e ngsoad el mo auxiliary pioneer, e ngera kired el rullii?

      4 Mongetmokl er Chelechang: A lsekum ngdirkak mketmeklau, e mchoit a taem el omes er a schedule er kau e mesa el kmo ngera el omelodech a sebechem el rullii el mo menglou er a omesiungem er a chelsel a tang me a lechub a betok el buil. E bo moluluuch el kirel. (Jak. 1:⁠5) Mosaod er ngii el obengkel a telungalek er kau me a rekuk bebil el ngar er a chelsel a ongdibel. (Osi. 15:​22) Ke locha mo metik el kmo alta e ngar er ngii a chelitechetul a bedengem me a lechub e ke oureor el mui el taem, engdi kau me ngdirrek el sebechem el mo medengelii a deurreng el mo er ngii el okiu sel de auxiliary pioneer.

      5. Ngmo uchul a ngerang a lsekum kede kilungii a omesiunged er tia el blsechel a Chedaol Blsoil?

      5 A Jehovah a soal a remesiungel a bo el deu a rengrir. (Psa. 32:​11) Me a bo leblak a rengud el kilungii a omesiunged er tia el blsechel a Chedaol Blsoil, e ngdiak di bo longlou er a deurreng er kid e lemerekong, e ngdirrek el mo uchul a deurreng el mo er a Demad el ngar er a eanged.​​—Osi. 23:24; 27:⁠11.