Chelitakl 10
“Ngak Tiang! Moderchak”
(Isaia 6:8)
1. Chelecha ngbetok a tekoi loruul
Ar chad loltuub ra ngklel a Dios.
Ar bebil a kmo ngchebirukel,
Mekebelung a kmo “ngdiak a Dios!”
Ngtecha mo sobecheklii a ngklel,
E mengitakl a odengesel?
Rubak ngak tiang me moderchak.
Ak mengitakl a odengesem.
(CHORUS)
Tia kmal kloul chetengakl tekoi.
Ngak e tiang me moderchak.
2. Ar chad a kmo a Dios a meoud,
Te diak loluu ra meral Dios.
Ma r’bebil a mengull a bleob
E ouchelid er a Kaiser.
Ngtecha sebechel ouchais er tir
Kirel a mekemedil a Dios?
Rubak ngak tiang me moderchak.
Ak mo ouchais loba blekeu.
(CHORUS)
Tia kmal kloul chetengakl tekoi.
Ngak e tiang me moderchak.
3. Ar ua sib a lmangel a rengrir
Le chel’birukel a merael mo klou.
Te kmal blak a rengrir losiik
A klemerang luchul a budech.
Ngtecha mo mengelaod er tir,
Ngosuterir meruul a llemalt?
Rubak ngak tiang me moderchak.
Ak mo olisechakl er tir.
(CHORUS)
Tia kmal kloul chetengakl tekoi.
Ngak e tiang me moderchak.
(Dirrek el momes er a Psa. 10:4; Ese. 9:4.)