Lmuut El Mo Ungil A Duch Er Kid El Ngar Er A Omesiunged​—Meluches a Ungil Babier

A UCHUL ME NGKLOU A ULTUTELEL: A babier er a 1 Korinth a ta er aike el 14 el babier el lulluches a apostol el Paulus el mo melisiich er a rekldemel el Kristiano. A chad el meluches er a babier a ngar ngii a temel el mo ungil melilt a tekoi lousbech, e a chad el mo nguu ngii el babier a sebechel el menguiu er ngii el betok el taem. A omeluches el babier a ta er a ungil rolel a dousioning el mora rechedad me a dodengelterir el chad. Ngdirrek lungil rolel a dousioning el mo er tirke el diak el sebeched el mengedecheduch er tir. El ua tiang, a chad a locha mle semeriar engdi ngmeringel er kid a metik er ngii er a blil, e a rebebil el ngar er a territory er kid a meringel a debetik er tir e le te kiei er a apartment el ungil a rolel a security er ngii, me a lechub te kiei el cheroid er a rechad. Me ngera bebil er a tekoi el kired el melatk el ileakl sel doluches el mora rechad el diak dodengelterir?

ROLEL A MORUUL ER NGII:

• 

  Mluches aike el bo molekoi. Ngar er a uchelel a babilengem e mouchais el kmo ke techang. Ngdirrek el mouchais er a uchul me ke meluches el mo er ngii. Nglocha sebechem el luchesii a ker el bo lolatk er ngii, e momekrael er ngii el mora website er kid. Mouchais er ngii el kirel sel rolel a omesuub el ngar er a blai, me a lechub bebil er aike el dai er a bliongel el ngar er a ta er aike el babilenged. Ngdirrek el sebechem el odekiar aike el babilenged el ua contact card, me a invitation, me a lechub a tract

• Bo lekedeb. A babilengem a diak el kirel mo kemanget e le chad el mo menguiu er ngii a locha mo seselk a rengul.​—Momes er a olechotel a omeluches el babier

• Mkerekikl el choiuii a babilengem me mues a cheleuid e msemechokl, e lebeot el mechuiu, e bo lungil a tekoi er a chelsel. Ngdirrek el mlecha ungil a ildisel el stamp er a envelope