14 EL SUOBEL

Beketakl a Meklou a Belkul Tekoi

Hebru 8:1, BT

KEDEB EL OMESODEL: Mngesuterir a rurrenges er kau el mo orrenges er kau sel mongedecheduch, e beketeklii a rolel e aike el meklou a belkul tekoi a melisiich er a dai, me a moktek er a cheldechedecham.

ROLEL A MORUUL ER NGII:

Lebo er ngii a moktek er a cheldechedecham. Molatk el kmo a cheldechedecham, ngkirel el ouchais, me a lechub ngsebechel el omult a uldesuir a rurrenges er kau, me a lechub e ngomeksemeriar er tir, e seikid e moleketek er a cheldechedecham el ngar er a ungil el blechebechel. Mkerekikl me aike el rokui el meklou a belkul tekoi bo lolisiich er a moktek er a cheldechedecham.

Di lekau loker el kmo: ‘Ngera el ker me a lechub e ngultok a sebechir el mo oker el kirel tia el cheldecheduch? Ngokiu a ngera el blechebechel a tekoi, e te mo oker aika el ker me a lechub e te mo omtok?’ E seikid e momechobech a meklou a belkul tekoi el ngar er a ungil el blechebechel me bo el beot er tir el oltirakl er kau, e bo lodengei e lekengei a tekoi el mosaod.
Molisiich er a dai er a cheldechedecham. Bo blechoel el melisiich er a dai er a cheldechedecham lokiu sel momelekl a bebil er a meklou a belkul tekoi el mesaod er ngii, me a lechub kousbech a osisiu a belkul el tekoi el ngar tia el cheldechedecham.
Momeketakl a meklou a belkul tekoi el ngar er a beot e bleketakl el rolel. Mngilt a bebil el meklou a belkul tekoi el melisiich er a dai er a cheldechedecham, e dirrek el sebechem el ousbech el olisechakl el ngar sel mla metutk el temel. Mosebech a ildisel a meklou a belkul tekoi, e momeketakl a derta er ngii, e kuk motuu a telim, e bo mungil mechir el mora ongingil el klou a belkul tekoi.

Nglocha sebechem el mesaod a meklou a belkul tekoi el ngar er a uchelel a cheldechedecham el ngosuterir el mo medengelii a tekoi el mosaod er ngii, me a lechub e momelekl ngii el tekoi er a ulebengelel a cheldechedecham el ngosuterir el mo melatk el kirel.