Tebekebok er a Babel

Uriul er a Ieleb e a rengelekel a Noah el sechal me a rebecherir a mlo betok a rengelekir. Ngmlo klou a klengelakel er tir me te ulebriid er a beluulechad el ua ledilung er tir a Jehovah.

Engdi ngngar ngii a rebebil el telungalek el dimlak lolengesenges er a Jehovah. Te millekoi el kmo: ‘Me de teketekii a beluu e bo dekiei er ngii. Kede mo rullii a tebekebok er ngii el chetebtel a mo rutechii a eanged. Seikid e ngmo merael a chised.’

A Jehovah dimlak el deu a rengul er a tekoi el loruul er ngii, me ngmle stob er tir. Ke medengei el kmo ngmilekerang? Ngmle chouid a omelekingir. Te mlo diak lodengei a tekingel a tang me a tang me te mle stob el omekedechor. Tia el beluu el lulleketek er ngii a mlo okedongall el Babel, el belkul a kmo “Cheliseksikt.” Me a rechad a ulebriid el mo kiei er a kakerous el beluu er a beluulechad. Engdi te di millemolem el meruul a mekngit er aike el beluu el blo lekiei er ngii. Me ngdirk mla er ngii a rebetik a rengrir er a Jehovah? Kede mo medengei er a next el suobel.