Ngerang ngomlaoch a Biblia el kirel a taem er kid?

“A meklou el beluu a mo kaumekemad; ma renged a mo kaodechelakl. . . . E a ikal rokui a di ua ikel kot el ringel er a rengelel a cheroll.”

Mateus 24:7, 8

“E sola e te mor ngii a re betok el diak le meral profet el mo mengeuid er a re betok el chad. Ng mo ua isei el oberk a mekngit ma bltikerreng er a re betok el chad a mo mechitechut.”

Mateus 24:11, 12

“A lsekum kom remenges a mekemad ma checheu ra mekemad, e lak el sebek a rengmiu; e ngkirel morngii, ngdi direkak bo lullebongel.”

Markus 13:7, BT

“E mor ngii er ker me ker a kdekudel el desiu, ma bosech, ma meringel el rakt; e mor ngii a ngodech ma kdekudel el tekoi el ngar a eanged el mei.”

Lukas 21:11

“Mutebengii tial tekoi el kmo, ng mo medbedubech a ikel mor ngii a ringel er ngii sel bo lekeed a ulebongel er a beluulchad. Ele re chad a di mo omdasu er a di tir, e di sorir a udoud, e di oumead er tir e ngarbab a rengrir; te mo mekngit a ngerir el mor a re chad, e diak lorrenges a tekingir a re demerir ma re derrir, e diak loreng a saul, ma diak le sorir el melatk er a chelid. Ng mekngit omerellir el mor a re chad, e diak lousubes a telemellir a re chad; toltuub er a re chad, e mekngit a blekerdelir, e bekeu el sorir el omekcharm er a re chad, e ouketui a ungil tekoi. Te cheblad, e meterkakl el diak lomekerreu, e belkuuk er a kldidairreng, e kuk sorir a tametereng el ngar uchei er a Dios. Te di oubail er a leko te chedal a chelid e diak er omerellir ochotel a klisichel a klemerang el lodengei.”

2 Timothy 3:1-5