Ngungil Omrellii a Telbilel a Reng me a Techolb?

Ke tibir a rengum el mora Jehovah loeak sel moluluuch el mo er ngii e mtibir el kmo, ngdi ngii el tang omongull er ngii e nguu el mo kot er a klengar er kau. (Psalm 40:8) E a uriul e ke metecholb. Sel moruul el uaisei e kochotii el mora rechad el kmo ke mla tibir a rengum el mo mesiou er ngii. Tia el telbilel a reng el mora Jehovah a kot el klou a ultutelel omelilt el bo doruul er ngii. Ngmo ngodechii a klengar er kau. Ngera mo odbechau el mo meruul er tiang?

1. Ngera rullii a chad el mo tibir a rengul el mo mesiou er a Jehovah?

Kede tibir a rengud el mo mesiou er a Jehovah e le ngbltkil a rengud el mo er ngii. (1 Johanes 4:10, 19) A Biblia melisiich er kid el kmo: “Bo le betik a rengum er a Rubak el Dios er kau el oba rengum el rokir, ma klengar er kau el rokir, ma uldesuem el rokir, ma klisichem el rokir.” (Markus 12:30) Kede ochotii el kmo ngbetik a rengud er a Jehovah el diak di loeak a tekinged ngdirrek loeak omerelled. Ngdi ua obekel el kmal betik a rengrir er a rederta me a tang me te mo bechiil, a bltkil a rengud el mora Jehovah odbechid el mo tibir a rengud el mo er ngii e metecholb.

2. A Jehovah ngomesterir a retelecholb el Sioning er ngii a ngera el klengeltengat?

Sel ometecholb e ke mo chedal a telungalek er a Jehovah. Ke mo experience er a bltkil a rengul el mo er kau el ngar er a kakerous el rolel, me kau a lmuut el mo kmeed er ngii el ngaruchei er chelechang. (Monguiu er a Malakai 3:16-18.) A Jehovah diak di lebo el Demam, e ngdirrek el mo er ngii a telungalek er kau er a klereng, el tir a rudam me a rudos er kau el meliuekl er a beluulechad el rokir el betik a rengrir er ngii e betik a rengrir er kau. (Monguiu er a Markus 10:29, 30.) Nguaisei, ngngar ngii a kirem el meruul er a uchei er ometecholb. Ngkirem el mesuub el kirel a Jehovah, mo betik a rengum er ngii, e mo oumerang er a Ngelekel. E mo tibir a rengum loba klengar er kau el mesiou er a Jehovah. A lsekum ke remuul aika el tekoi e metecholb, e kau a merael er a rael el mora diak a ulebengelel el klengar. A tekingel a Dios a kmo: “Techolb . . . [olsobel] er kemiu.”​—1 Petrus 3:21, BT.

BOM DMOLECH EL MERRITER

3. Kede rokui el kired el melilt el kmo kede mo mesiou er techang

Ngar er a Israel er a irechar, e a rebebil er a rechad ulemdasu el kmo ngsebechir el mesiou er a Jehovah e a osisiu el taem e te mesiou er a klsuul el chelid el Baal. Engdi Jehovah ulderchii a profet er ngii er a Elias el mo omeklemalt er tia el cheleuid el uldasu. Monguiu er a 1 King 18:21 e mosaod er tia el ker:

• Ngera el omelilt a mle kirir el meruul er ngii a rechad er a Israel?

Kid a di ua rechad er a Israel el dirrek el kired el melilt el kmo kede mo mesiou er techang. Monguiu er a Lukas 16:13 e mosaod aika el ker:

• Ngera uchul me ngdiak el sebeched el mesiou er a Jehovah e a osisiu el taem e kede mesiou er a chad me a lechub e ngkuk tang?

• Ngmekera dochotii er a Jehovah el kmo kede ngiltii el mengull er ngii?

4. Molebedebek er a bltkil a rengul a Jehovah el mo er kau

Jehovah mla meskid a betok el mekreos el sengk. Ngngera sebeched el msang? Momes er a VIDEO.

VIDEO: Presenting Your Gifts to God (3:04)

Ngera bebil er a rolel e a Jehovah mla ochotii er kau a bltikerreng? Monguiu er a Psalm 104:14, 15 me a 1 Johanes 4:9, 10 e mosaod aika el ker:

• Ngera el sengk er a Jehovah omkmal loba omereng el saul el kirel?

• Aika el sengk ngngera ngrullii er a uldesuem el kirel a Jehovah?

Sel denguu a sengk el kmal soad e ke dochotii omereng el saul el mo er ngike el milskid ngii el sengk. Monguiu er a Duteronomi 16:17 e mosaod er tia el ker:

• Sel molatk a rokui el tekoi el bla leruul a Jehovah el mo er kau, e ngodbechau el mo msang a ngerang?

5. Sel detibir a rengud el mo mesiou er a Jehovah e ngmo uchul a betok el klengeltengat

VIDEO: Soccer Was My Reason for Living (5:45)

• Alta ngika el chad a kmal mle soal lousekool a soccer, engdi ngera uchul me ngchilitii?

• Ngngileltii el mo tibir a rengul el mo mesiou er a Jehovah el diak el soccer. Omomdasu e tia ngmle ungil omelilt? E ngera uchul me ke melekoi el uaisei?

Uchei er a bo le Kristiano a apostol Paulus, e ngmle meringel loureor el mo melai er a ngarbab el deruchall. Ngika milsuub a llach er a Rechijudea lobengkel a merael a chisel sensei. Engdi ngchiloit el rokui e mlo Kristiano. A Paulus ngmlo ouuchel a rengul er uriul? Monguiu er a Filipi 3:8 e mosaod aika el ker:

• Ngera uchul me a Paulus a millekoi el kmo aike el rokui el lurruul er a uchei er a lebo le Kristiano “a di ua le besbas kung”?

• Ngera ngngiluu?

• Omomdasu e ngngera mo rullii a klengar er kau el mo ungil, mesiou er a Jehovah me a lechub kousbech er a klengar er kau el meruul a kuk bebil er a tekoi?

SUMMARY

Bltikerreng a odbechid el mo tibir a rengud el mo mesiou er a Jehovah e metecholb.

Review

• Ngera uchul me a Jehovah rredemelel a bo debetik a rengud er ngii e dongull er ngii loba rengud er rokir?

• Ngmekera Jehovah lomekngeltengat er a retelecholb el Sioning er ngii?

• Omomdasu e ngsoam el tibir a rengum el mo mesiou er a Jehovah?

A LSEBECHEM E MOMES

Mesa el kmo ngera uchul me a chad er omengitakl me a klekool a ngileltii el tuib a klengar er tir el mora Jehovah.

Young People Ask​—What Will I Do With My Life?​—Looking Back (6:54)

Morriter a lmuut el bebil er a uchul me ngungil mtibir a rengum el mo mesiou er a Jehovah.

“A Uchul Me Kede Tuib a Rengud el Mo er a Jehovah” (A Ongkerongel, January 1, 2010)

Ngar tia el music video, e mesa deurreng er tirke el tuib a rengrir el mo mesiou er a Jehovah.

I Give My Life to You (4:30)

Ngar tia el cheldecheduch el “For Years I Wondered, ‘Why Are We Here?’” e mesa el kmo ngngera rirellii a ta el redil el mo merriter el kmo ngngera lmuut el klou a ultutelel er a klengar er ngii.

“The Bible Changes Lives” (The Watchtower, November 1, 2012)