36 EL SUOBEL

**Bom Honest er a Rokui el Tekoi**

Printed Edition

A rechad el rokui a sorir el sechelil a chad el honest. A Jehovah dirrek el mengerechir er a resechelil el mo honest. Engdi tia diak el beot le kede kiei er a beluulechad el betok er a rechad er ngii a diak el honest. Ngera klungiolel a bo de honest er a rokui el tekoi?

1. Ngera sel kot el klou a ultutelel luchul me ngsoad el mo honest?

Sel de honest el mora rechad e ke dochotii er a Jehovah el kmo ngbetik a rengud er ngii e mengull er ngii. Molatk er tiang: A Jehovah medengei a rokui el tekoi el domdasu me a doruul. (Hebru 4:13) Ngmesa sel dolilt el mo honest, e tia rullii el kmal mo dmeu a rengul. A Tekingel a kmo: “RUBAK a ouketui er a re chad el meruul a mekngit, e bai kmeed er a re melemalt.”—Osisechakl 3:32.

**2. Ngera bebil er a rolel e kede mo honest er a klengar er kid er a bek el sils?**

A Jehovah soal a de “[chachedecheduch] a klemerang.” (Sekaria 8:16, 17) Ngera belkul tiang? Sel dongedecheduch er a rechedal a telungalek er kid, rechad er a urered, Rekristiano el odam me a odos er kid, me a lechub te chad er a kabelment e ngdiak domulak e dongeuid er tir. A re honest el chad a diak lorechorech me a lechub e longeblad. (Monguiu er a Osisechakl 24:28 me a Efesus 4:28.) Te dirrek el pay a rokui el tax el kirir el harau. (Rom 13:5-7) Ngar chouaika el rolel me a lmuut el bebil e kede “melemalt loureor el kirel a ngiidil tekoi.”—Hebru 13:18, BT.

3. Ngera klungiolel sel de honest?

Sel bo lodengelkid a rechad el kmo kede honest, e te mo oumerang er kid. Kede rulleterir a rechad er a ongdibel el mo feel safe, el ua telungalek el kmal kaubltikerreng. Ngklikiid a ukltked. Ngdirrek el sebeched el ‘rullii chisel osisechakl el kirel a Dios el Osebeled,’ e rulleterir a rechad er a ikrel ongdibel el mo sorir el mei er a mera el omengull.—Titus 2:10.

BOM DMOLECH EL MERRITER

Mesa lerellii el mo er kau me a Jehovah sel bom honest, e msuub a rolel e ngsebechem el mo honest er a chelsel a kakerous el blekeradel er a klengar.

**4. Sel de honest e kede odeuir a rengul a Jehovah**

Monguiu er a Psalm 44:21 me a Malakai 3:16 e mosaod aika el ker:

Ngera uchul me ngdiak lolechotel a llomeserreng a domdasu el kmo ngsebeched el mart a tekoi?
Omomdasu e ngmo uangerang a uldesuel a Jehovah sel dengiltii el mo ouchais a klemerang, mo lmuut me a lemeringel er kid el meruul er ngii?

Ngalek el mengedecheduch er a demal el lechachebangel. Ngmla mechubel a juice er bita er a tebel. — A rengalek sel louchais a klemerang e te rulleterir a rechad er a blirir el mo dmeu a rengrir. Sel douchais a klemerang, e kede rullii a Jehovah el mo dmeu a rengul

**5. Em honest er a bek el taem**

A rebetok el chad oumerang el kmo ngngar ngii a bebil tekoi el diak lungil a de honest el kirel. Engdi ka molatk er a uchul me ngungil a de honest er a bek el taem. Momes er a VIDEO.

VIDEO: What Contributes to Joy?—A Clean Conscience (2:32)

Siasing el mengai er a video el ‘What Contributes to Joy?—A Clean Conscience.’ Uriul er a louchais er a boss er ngii a Ben el kmo ngrirellii a cheleuid el tekoi el mo uchul a klou el chitel a udoud, e te shake hands.

Monguiu er a Hebru 13:18, BT e mosaod a rolel e ngsebeched el mo honest . . .

er a chelsel a telungalek.
sel doureor me a lechub e kede ngar er a skuul.
er a chelsel a lmuut el bebil er a blekeradel.

**6. Sel de honest e ngmo uchul a klungioled**

A uchelel e sel mngiltii el mo honest e ngua bo lomuchel a bebil mondai. Engdi klemengetel a taem e tia kot lungil tekoi el sebeched el meruul er ngii. Monguiu er a Psalm 34:12-16 e mosaod er tia el ker:

Ngmekera e rullii a klengar er kau el lmuut el mo ungil obom honest?

A. Chad me a bechil el melim a kohi e chadecheduch.

B. Mechanic el lechat er ngii a boss er ngii.

Re honest el bechiil el sechal me a redil a smisichii a chebechiielir
Re honest el chad er a ureor a nguu a klaumerang er a merredelir
Re honest el chad a rullii a ungil chisir el mora re olab a klisiich

A REBEBIL A KMO: “A bebil blulak a kuk kmal mekekerei me ngdiak a telemellel.”

Ngera uchul me koumerang el kmo a Jehovah ouketui a rokui el blulak?

SUMMARY

Jehovah soal a resechelil a lebo el honest er a rokui el tekoi el lolekoi me a loruul.

Review

Ngera bebil er a rolel e kede mo honest?
Ngera uchul me ngdiak lolechotel a llomeserreng a bo domdasu el kmo ngsebeched lomart a tekoi?
Ngera uchul me ngsoam el honest er a rokui el tekoi?

Suobel a mlo merek er a:

Turrekong

Di lekau el oker, ‘A Jehovah ngomes er ngak el honest el chad?’ Molatk a bebil el tekoi er a klengar er kau el locha kirem el meruul omelodech.

Kuk tang:

Kuk tang

A LSEBECHEM E MOMES

Ngmekera ruungalek e sebechir losisecheklterir a rengelekir el mo honest?

Be Truthful (1:44)

Ngera el klungiaol a dengai sel doltaut a tekoi el detilib el mo meruul?

Keep Promises, Receive Blessings (9:09)

Morriter el kmo ngkired el harau a tax alta te diak el melemalt lousbech.

“Taxes—Must You Pay Them?” (The Watchtower, September 1, 2011)

Ngera rirellii a chad el dimlak el honest el mo melodech er a klengar er ngii e mo meruul a ureor el diak a cheleblad er ngii?

“I Learned That Jehovah Is Merciful and Forgiving” (The Watchtower, May 1, 2015)